7:700  Si  opponas  inane  pleno,  ut  inania  signa  sint  in  quibus  nihil  contineatur,  diserte  dico  me  non  agnoscere  plena  aut  impleta  signa:  quod  scilicet  in  aqua  baptismi  contineatur  remissio  peccatorum,  in  pane  et  vino  contineatur  corpus  et  sanguis  Christi.  De  qua  re  tu  quoque  superius  disputans  dixisti:  Non  quod  remissio  peccatorum  proveniat  a  baptismo,  secl  a  sanguine  Christi.  Item:  Non  includimus  corpus  Christi  in  panem  ete.  Si  vero  per  inane  intelligas  vanum  aut  inutile  j  sane  concedimus  signa  non  esse  inania.  Sunt  enim  a  filio  Dei  data  ecclesiae  testimonia  et  sigilla  pro  veritate  confirmanda,  et  ad  repraesentanda  Christi  mysteria,  quae  vera  sunt,  non  falsa.  XXIV.  Tantum  restat  ut  definiamus  quid  in  se  contineat  signum?  Ac  breviter  respondemus,  nos  fieri  carnis  et  sanguinis  Christi  participes,  ut  in  nobis  habitet,  nosque  in  ipso,  et  hac  ratione  bonis  eius  universis  fruamur.  Miramur  hic  tuam  responsionem.  Nam  quod  carnis  et  sanguinis  Christi  participes  reddimur,  non  continetur  in  signo,  sed  in  gratia  communicantis  se  nobis  Christi,  et  in  fide  quae  recipit  Christum.  Ita  quod  Christus  in  nobis  inhabitat,  et  nos  in  ipso,  non  continetur  in  signo,  sed  perficitur  gratia  Dei  per  spiritum  et  fidem  in  nobis.  Per  signum  autem  significatur,  repraesentatur  et  obsignatur,  quod  spiritu  Dei  perficitur  in  fidelibus.  Videmini  ergo  nobis  subinde  loqui  obscurius  et  minus  distincte.  Habes  paucis  quatenus  tua  vel  probem  vel  minus  probem.  Mense  Novembri  Tiguri  154S.  Bullingerus.