23:700  qu'il  fortifiast  les  debiles.  Or  il  accomplit  cela  en  disant,  Venez  a  moy  vous  tous  qui  estes  chargez  et  travaillez  et  ie  vous  soulageray  et  vous  trouverez  repos  a  vos  ames.  Voila  donc  comme  l'humilite  nous  conduit  a  nostre  Seigneur  Iesus  Christ,  a  fin  que  nous  soyons  faicts  participans  de  la  iustice  qu'il  nous  a  apportee.  Or  l'humilite  n'est  pas  comme  beaucoup  pensent,  de  faire  quelque  belle  contenance  devant  Dieu,  mais  c'est  que  nous  soyons  tellement  desnuez  de  tout  bien,  qu'il  ne  nous  reste  sinon  de  nous  ietter  la  aux  piedz  de  Dieu,  et  recognoistre  qu'il  n'y  a  rien  en  nous  que  toute  povrete  et  misere,  qu'il  n'y  a  plus  nulle  attente  de  salut.  Car  voila  comme  nous  parvenons  a  sa  misericorde,  c'est  par  le  sentiment  et  aprehension  de  nos  miseres.  Et  ces  deux  choses  ne  se  peuvent  separer.  Pourquoy  est-ce  que  Dieu  a  ainsi  pitie  de  nous,  et  qu'il  nous  subvient?  [pag.  133]  C'est  qu'il  regarde  nos  miseres,  et  cela  l'encline  et  l'incite  a��  misericorde.  Et  voila  pourquoy  aussi  sainct  Paul  traittant  de  nostre  salut  dit:  Ce  n'est  point  de  vous,  c'est  un  don  de  Dieu  par  la  foy:  car  vous  estes  sa  facture  d'autant  qu'il  vous  a  creez  en  Iesus  Christ  aux  bonnes  oeuvres,  lesquelles  il  a  apprestees  a  fin  que  vous  les  faciez.  S.  Paul  exclud  la  toute  l'opinion  que  les  hommes  pourroyent  concevoir  de  leurs  propres  vertus,  en  disant:  Or  ca  si  vous  attirez  quelque  portion  de  la  louange  de  vostre  salut  a,  vous,  et  qu'il  vous  semble  encores  que  vous  n'y  soyez  point  pervenus  de  vous-mesmes,  toutes  fois  que  vous  y  ayez  aide,  regardez  comment  cela  s'est  peu  faire?  Car  vous  avez  este  creez  hommes  mortels,  c'est  a  dire  pecheurs,  il  n'y  a  eu  en  vous  que  malediction,  vous  estiez  bannis  et  alienez  de  Dieu  auquel  gist  tout  bien.  Il  faut  donc  conclure  que  vous  estiez  comme  morts.  Ainsi  il  a  fallu  une  correction  nouvelle  et  seconde  pour  vous  faire  estre  quelque  chose  devant  Dieu.  Et  ainsi  quand  vous  avez  este  regenerez  en  Iesus  Christ,  cela  s'appelle  une  creation  nouvelle.  Vous  estes  donc  la  creature  de  Dieu  chacun  de  vous  quand  il  vous  a  formez  et  appelez  a  soy,  et  il  n'y  avoit  nulle  disposition  de  vostre  part,  mais  Dieu  a  prepare  les  bonnes  oeuvres  par  son  sainct  Esprit.  Puis  [pag.  134]  qu'ainsi  est  donc,  il  faut  bien  conclure  que  nostre  salut  ne  vient  nullement  de  nous,  ie  di  iusques  a  une  seulle  goutte,  mais  que  c'est  un  pur  don  de  Dieu  et  qui  procede  de  sa  liberalite.  Voila  donc  quant  au  premier  poinct,  c'est  que  pour  obtenir  merci  et  grace  devant  Dieu,  il  faut  que  nous  ayons  bien  cognu  quels  nous  sommes,  et  combien  nostre  condition  est  miserable  et  que  nous  soyons  abatus  du  tout.  Or  quand  ie  parle  ainsi,  ce  n'est  pas  a  dire  qu'il  nous  salle  avoir  une  cognoissance  qui  voltige  en  nostre  cerveau,  mais  il  faut  que  nous  soyons  navrez  mortellement  en  nos  coeurs,  et  que  nous  sentions  le  iugement  de