7:70  que  cependant  il  estoit  gouverne  par  sa  providence  divine,  selon  laquelle  [page  43]  iamais,  il  n'eust  permis  d'estre  contamine  par  quelque  acte  qui  contrevint  a  la  purete  des  enfans  de  Dieu.  Mais  estant  homme  parfaict,  preschant,  qui  plus  est,  et  exercant  son  office,  il  a  poursuivy  ce  train  iusques  a  la  mort.  Si  c'est  offenser  Dieu,  que  d'entrer  en  une  congregation,  de  laquelle  tous  les  meschans  ne  sont  pas  excluz,  pour  prier  Dieu  et  faire  protestation  de  sa  foy:  que  veut  dire  nostre  Seigneur,  et  quel  exemple  nous  monstre-il,  d'aller  au  Temple  de  Ierusalem  sacrifier  avec  les  Scribes  et  Pharisiens,  et  un  peuple  tant  deprave,  comme  il  estoit  alors?  I'entens  bien  qu'ilz  me  repliqueront  incontinent  que  Iesus  Christ  ne  montoit  au  Temple  sinon  a  l'intention  de  redarguer  les  vices  qui  se  commettoyent  adonc,  et  non  pas  pour  participer  avec  les  autres  en  leurs  sacrifices  et  autres  protestations  de  leur  foy.  Mais  que  ceste  solution  soit  faulse,  il  est  facile  de  le  monstrer.  Ce  n'est  pas  sans  cause  que  sainct  Paul  dit,  qu'il  a  este  assubietty  a  la  Loy  (i'entens  tousiours  Iesus  Christ)  afin  de  racheter  de  la  servitude  d'icelle  tous  ceux  qui  y  estoyent  subiectz  (Gal.  4,  4).  Or  il  parle  nommement  de  la  Loy  ceremoniale.  Quand  donc  il  venoit  au  Temple,  et  principalement  aux  festes  solennelles:  combien  qu'il  [page  44]  y  vins  t  pour  avoir  meilleure  occasion  d'advancer  l'Evangile,  et  de  corriger  la  mauvaise  vie  des  pecheurs:  toutesfois  si  ne  laissoit  il  pas  de  se  monstrer  observateur  de  la  Loy,  en  faisant  ce  qui  estoit  commande,  de  venir  au  Temple,  pour  adorer  et  sacrifier.  Ce  qu'il  conferme  par  sa  propre  bouche,  parlant  a  la  Samaritaine.  Car  parlant  en  la  personne  de  tous  les  Iuifz,  il  dit  ainsi:  Nous  savons  ce  que  nous  adorons:  vous  ne  savez  que  vous  adorez:  car  le  salut  est  des  Iuifz  (Iehan  4,  22).  Certes,  il  ne  se  met  point  a  part  quant  a  l'adoration  de  Dieu,  laquelle  emporte  aussi  bien  les  sacrifices:  mais  il  se  met  au  rang  commun  des  autres.  La  raison  qu'il  adiouste  donne  encore  plus  ample  confirmation  de  cela.  C'est  pource  que  le  salut  est  des  Iuifz.  Car  il  n'entend  autre  oho&e  par  ces  motz,  sinon  que  Dieu  acceptoit  le  service  qui  luy  estoit  faict  a  Ierusalem,  seulement  a  cause  de  l'alliance  de  salut  qu'il  avoit  faicte  avec  ce  peuple  la.  Nous  voyons  donc  qu'un  homme,  communiquant  aux  Sacremens  ordonnes  de  Dieu  avec  les  meschans,  ne  se  contamine  pas  par  leur  compagnie,  moyennant  que  de  son  coste,  il  ait  sa  conscience  pure  et  nette.  1)  Autant  en  ont  faict  tous  les  Apostres,  suyvant  l'exemple  de  leur  Maistre.  Mais  [page  45]  afin  de  1)  modo  ipse  crimine  vacet  puraque  conscientia  sit  praeditus  5*