58:70  laisserons  pas  d'y  tomber,  et  au  reste,  nous  avons  aussi  un  bon  advertissement  a  delaisser  toutes  contradictions  :  car  ce  n'est  point  sans  cause  que  l'Escriture  tant  souvent  nous  exhorte  a  ceste  union,  a  estre  d'un  mesme  courage,  et  d'une  mesme  bouche.  Et  pourquoy?  Car  quand  nous  accordons  ainsi,  chacun  incite  ses  prochains,  et  les  aide,  pour  se  renger  a  Dieu.  Mais  aucontraire,  quand  nous  sommes  en  pique,  en  contention  et  en  debat,  non  seullement  l'un  empesche  l'autre  (comme  on  dit  qu'il  ne  faut  qu'un  cheval  qui  recule,  pour  empescher  tout  le  train  des  autres):  mais  il  y  a  encore  pis:  c'est  assavoir,  que  quand  nous  combatons  pour  le  service  de  Dieu,  nous  ne  laissons  pas  de  nous  oublier  en  quelques  endroits,  et  qu'il  ne  nous  eschappe  beaucoup  de  choses,  lesquelles  nous  ne  ferions  pas,  si  nous  estions  hors  du  combat.  C'est  donc  ce  que  nous  avons  a  retenir.  Et  ces  exemples  nous  apparoissent  iournellement  en  l'eglise.  Car  les  meilleurs  serviteurs  de  Dieu,  et  ceux  qui  sont  douez  de  graces  excellentes,  et  qui  mesme  combatent  pour  la  verite,  si  est  ce  neantmoins  qu'ils  ne  se  pourront  pas  tousiours  retenir  tellement,  qu'ils  ne  soient  picquez,  et  qu'ils  ne  monstrent  qu'il  y  a  de  l'homme:  et  neantmoins  Dieu  approuve  leur  zele,  et  ce  qu'ils  sont.  Et  pourquoy?  Car  ils  ont  un  bon  commencement,  ils  ont  une  fin  droite:  mais  (comme  i'ay  dit)  il  y  a  de  l'infirmite  tousiours  melee.  Que  nous  retenions  cela  (di-ie)  en  cest  exemple  d'Isaac,  et  de  Rebecca.  Au  reste  nous  avons  encores  a  noter,  que  si  quelquefois  nous  ne  sommes  pas  tellement  d'accord,  comme  il  seroit  bien  requis,  et  comme  il  y  faut  tendre,  et  nous  y  efforcer  que  ce  n'est  pas  neantmoins  pour  faire  un  divorce  entre  nous,  que  nous  soions  pleinement  separez,  Car  combien  que  c'ait  este  un  vice  notable,  qu'Isaac  et  Rebecca  ayent  este  ainsi  divisez  en  l'amitie  qu'ils  portoient  a  leurs  enfans,  si  est-ce  qu'ils  ont  persevere  neantmoins  a  servir  Dieu  :  et  Isaac  n'a  iamais  pretendu  d'abolir  cest  oracle:  c'est  assavoir  ceste  response  que  Dieu  avoit  donnee,  qu'il  faloit  que  Iacob  dominast.  Or  donc  nous  voions  ici  comme  le  mari  et  la  femme  sont  en  different,  voire  en  ce  qui  estoit  une  chose  de  telle  importance,  que  le  salut  du  monde  en  dependoit.  Car  il  est  ici  question  de  l'election  eternelle  de  Dieu,  il  est  question  de  toute  l'eglise  de  nostre  Seigneur  Iesus  Christ,  qui  en  est  le  chef:  et  voila  quelques  differens  obliques  entre  Isaac  et  sa  femme.  Ce  n'est  pas  toutefois  qu'Isaac  vueille  tout  renverser:  mais  il  ne  Tentent  pas,  et  est  la  confus  en  soy.  Ainsi  donc  quand  par  ignorance  et  erreur,  il  aviendra  que  quelquefois  nous  serons  en  trouble,  et  que  le  diable  se  viendra  entrelacer  parmi,  et  que  nous  ne  pourrons  point  parler  d'une  mesme  bouche:  toutefois  si  nous  faut-il  tousiours  entretenir  au  principal:  C'est,  que  nousnous  accordions  tousiours  en  ce  que  nous  tenons  5*