54:70  quand  il  y  a  beaucoup  de  gens  qui  pretendent  le  titre  de  ministres  et  Docteurs:  voire,  et  s'elevent  avec  une  telle  outrecuidance,  qu'il  semble  que  tout  le  monde  se  doyve  taire,  et  avoir  la  bouche  close  quand  ils  parlent.  Mais  cependant  il  faut  regarder  s'ils  sont  envoyez  de  Dieu  ou  non.  Et  comment?  Ii  nous  faut  venir  a  ceste  touche  de  l'Escriture  saincte,  qui  est  pour  examiner  toute  doctrine.  Quand  nous  voyons  qu'un  homme  en  sa  facon  de  parler  ha  la  maieste  de  l'Esprit  de  Dieu,  et  que  nous  sommes  edifiez  comme  il  appartient,  que  nous  cognoissions  la  qu'il  n'y  a  point  une  rhetorique  frivole,  que  ce  n'est  point  un  langage  affecte,  qu'il  n'y  a  point  des  speculations  extravagantes,  mais  une  pure  simplicite,  comme  nous  la  voyons  aux  Prophetes.  Voila  ceux  ausquels  il  nous  faut  conformer.  Mais  encores  c'est  une  grande  aide  quand  sainct  Paul  adiouste,  En  la  foy  et  charite  qui  est  en  lesus  Christ.  Comme  s'il  disoit,  Si  nous  voulons  esprouver  les  doctrines  pour  retenir  une  certaine  forme  et  figure  ou  l'image  de  Dieu  apparoisse  et  reluise,  venons  a  la  foy  et  a  la  charite.  Car  a  quoy  est-ce  que  Dieu  pretend  quand  il  nous  envoye  sa  parole?  Il  ne  nous  met  point  la  en  une  grande  compagnie,  pour  aller  a  Pesgaree,  mais  il  nous  baille  un  certain  but  afin  que  nous  ne  puissions  faillir.  Ainsi  doncques  il  nous  faut  appuyer  sur  la  foy,  et  sur  la  charite,  a  ce  que  nous  avancions  iournellement,  et  que  la  foy  profite,  et  qu'elle  s'augmente  :  et  pareillement  que  nous  soyons  confermez  en  charite.  Quand  nous  en  ferons  ainsi,  voila  comme  la  parole  de  Dieu  aura  son  droit  usage  envers  nous:  mais  si  ces  deux  choses-la  n'y  sont,  nous  pourrions  estre  les  plus  aigus  du  monde,  nous  pourrions  disputer  merveilles  des  secrets  de  Dieu,  il  n'y  aura  que  vanite  en  nous,  ce  ne  sera  qu'un  ombrage,  ii  n'y  aura  point  de  fermete  ne  de  constance.  Notons  bien  doncques  que  sainct  Paul  n'a  pas  adiouste  ces  mots  sans  cause:  car  c'est  afin  que  d'un  coste  les  rudes  et  infirmes  puissent  estre  guidez,  et  qu'ils  ne  se  tourmentent  pas  beaucoup  pour  s'enquerir,  Et  comment  scauray-ie  que  c'est  le  vray  langage  du  sainct  Esprit,  que  c'est  la  pure  forme,  et  le  pourtraict  nais  que  Dieu  veut  qu'on  observe?  comment  cognoistray-ie  cela?  Or  il  y  a  un  moyen  qui  est  facile,  dit  sainct  Paul.  Car  nous  scavons  a  quoy  c'est  que  Dieu  nous  appelle,  nous  scavons  le  but  qui  nous  est  propose,  c'est  ascavoir  que  nous  croissions  iournellement  en  la  foy  de  l'Evangile,  que  nous  profitions  en  bonne  vie  et  saincte,  que  nous  y  soyons  confermez.  Or  quand  nous  trouverons  cela  en  une  doctrine,  voila  le  tesmoignage  de  Dieu  qui  y  est  comme  engrave  au  vif,  il  n'en  faut  plus  douter.  Mais  cependant  nous  avons  a  noter  en  brief,  qu'emporte  ce  mot  de  Foy:  car  il  y  en  a