51:70  de  flatteries:  mais  adioustons  la  correetion:  et  qu'ainsi  soit,  si  ie  ne  fay  semblant  de  rien  quand  quelqu'un  aura  offense  Dieu,  et  qu'il  continue  en  son  mal,  le  fardeau  s'augmente,  en  sorte  que  c'est  pour  luy  faire  rompre  le  col:  car  la  ou  il  n'avoit  qu'une  charge,  en  voici  plusieurs  qui  se  mettent  dessus  pour  l'opprimer  du  tout,  voire  par  faute  de  l'avoir  exhorte:  que  si  du  premier  coup  ii  eust  este  admonneste,  il  se  fust  releve  de  sa  charge:  la  ou  si  nous  dissimulons  les  vices,  nous  sommes  cause  que  les  poures  gens  ne  se  peuvent  iamais  relever:  et  pourtant  il  nous  faut  user  de  la  moderation  de  laquelle  il  a  este  parle  ci  dessus:  c'est  qu'en  supportant  les  foibles  nous  ne  laissions  pas  pourtant  de  les  toucher  au  vif  pour  leur  faire  recognoistre  leurs  fautes,  a  fin  qu'ils  s'en  retirent.  Et  pour  conclusion  sainct  Paul  dit,  qu'il  nous  faut  accomplir  la  Loy  ee  Iesus  Christ  par  ce  moyen.  Il  n'y  a  nul  doute  que  sainct  Paul  n'ait  ici  voulu  piquer  d'une  facon  oblique  ceux  contre  lesquels  il  a  dispute  ci  dessus:  car  nous  avons  veu  que  pour  lors  il  y  en  avoit  beaucoup  qui  vouloyent  qu'on  gardast  les  ceremonies  de  la  Loy:  c'estoit  toute  leur  sainctete  et  perfection.  D'autant  donc  qu'ils  avoyent  tousiours  ce  mot  de  ia  Loy  en  la  bouche,  et  qu'il  leur  sembloit  qu'on  se  devoit  acquitter  envers  Dieu  par  ceremonies,  sainct  Paul  leur  dit,  Or  ca  nous  avons  une  Loy  de  Iesus  Christ  lequel  nous  est  fidele  expositeur  de  la  volonte  de  Dieu  son  Pere.  Si  donc  nous  voulons  avoir  une  vraye  interpretation  de  la  Loy,  nous  ne  la  cercherons  sinon  en  Iesus  Christ  lequel  est  la  sagesse  eternelle  de  Dieu,  et  lequel  a  este  envoye  pour  nous  amener  a  toute  perfection  de  sagesse.  Puis  qu'ainsi  est  donc  regardons  ce  qu'il  nous  a  commande  sur  tout,  regardons  quel  est  le  ioug  qu'il  nous  met  sur  le  dos  ou  sur  le  col:  c'est  que  nous  aimions  les  uns  les  autres,  comme  il  est  dit  au  13.  chap.  de  sainct  Iean  d.  34.  Ie  vous  donne  maintenant  un  commandement  vieil  et  nouveau,  c'est  que  vous  aimiez  les  uns  les  autres:  c'est  la  ou  il  nous  faut  appliquer  toutes  nos  estudes,  a  scavoir  que  nous  supportions  ceux  qui  en  ont  besoin,  et  qui  sont  trop  chargez,  que  nous  leur  tendions  la  main  pour  les  soulager.  Nous  accomplirons  donc  en  ceste  facon  la  Loy  de  Iesus  Christ,  et  l'ayant  accomplie,  nous  pourrons  despiter  ceux  qui  nous  condamnent.  Ceux  donc  qui  auront  accompli  la  Loy  de  Christ  ne  seront  plus  suiets  a  ceste  Loy  ceremoniale  qu'on  appelle.  Yray  est  que  iamais  nous  n'accomplirons  la  Loy  de  nostre  Seigneur  Iesus  Christ  ni  en  cest  endroit  ni  en  l'autre.  Mais  sainct  Paul  nous  monstre  le  but  ou  il  nous  faut  tascher  de  venir.  Combien  donc  que  nous  soyons  tousiours  au  chemin  cependant  que  nous  conversons  en  ce  monde,  si  ne  faut-il  pas  courir  a  l'aventure,  sana  5*