50:70  18.  Omnia  ex  Deo.  Omnia  intelligit,  quae  ad  Christi  regnum  pertinent.  Ac  si  diceret  :  Si  Christi  esse  volumus,  ex  Deo  nos  renatos  esse  oportet.  Atqui  non  est  hoc  vulgare  donum.  Non  ergo  loquitur  hic  de  creatione  universali,  sed  de  gratia  regenerationis,  qua  peculiariter  electos  suos  dignatur  Deus,  et  iam  esse  ex  Deo  praedicat:  non  quatenus  coeli  et  terrae  creator  est  atque  opifex,  sed  quatenus  suos  refingens  ad  imaginem  suam,  ecclesiae  novua  est  creator.  Ita  humiliatur  omnis  caro,  et  admonentur  fideles,  Deo  vivendum  iam  esse,  ex  quo  sunt  nova  creatura  :  quod  fieri  nequit,  nisi  mundi  obliviscantur:  quemadmodum  etiam  iam  non  sunt  amplius  ex  mundo,  quia  ex  Deo.  Qui  nos  reconciliavit.  Duo  sunt  capita  :  alterum  de  reconciliatione  hominum  cum  Deo  :  alterum  quomodo  fruamur  huius  reconciliatonis  beneficio.  Optime  autem  cohaerent  haec  cum  superioribus.  Nam  quia  praetulerat  apostolus  cuivis  excellentiae  bonam  conscientiam^:  nunc  ostendit  totum  evangelium  hue  tendere.  Simul  tamen  apostolici  muneris  dignitatem  indicat,  ut  admoneantur  Corinthii  quid  in  eo  quaerere  debeant:  qui  ideo  non  poterant  inter  veros  et  falsos  ministros  discernere,  quod  sola  ostentatio  illis  placebat.  Ergo  hac  commemoratione  ipsos  excitat,  ut  melius  proficiant  in  evangelii  doctrina.  Inde  enim  praepostera  admiratio  profanorum  hominum,  qui  ambitioni  magis  suae  quam  Christo  serviunt:  quod  nescimus  quid  contineat  aut  sibi  velit  evangelii  praedicandi  officium.  Nunc  redeo  ad  illa  dua  capita,  quae  hic  perstringuntur.  Prius  est,  Deum  nos  reconciliasse  sibi  per  Christum.  Mox  sequitur  declaratio,  quia  Deus  in  Christo  fuerit,  et  in  eius  persona  peregerit  reconciliationem.  Modus  additur,  non  imputando  hominibus  peccata.  Iterum  annectitur  secunda  declaratio:  quia  Christus  piaculum  factus  pro  peccatis  nostris,  iustitiam  nobis  acquisierit.  Secundum  membrum  est,  applicari  nobis  per  evangelium  reconciliationis  gratiam,  ut  simus  eius  participes.  Est  hic  insignis  locus,  si  quis  alius  est  in  toto  Paulo.  Proinde  diligenter  excutere  singulas  particulas  convenit.  Ministerium  reconciliationis.  Praeclarus  evangelii  titulus,  quod  legatio  sit  ad  reconciliandos  homines  Deo.  Singularis  quoque  ministrorum  dignitas,  quod  cum  hoc  mandato  a  Deo  mittantur  ad  nos,  ut  internuntii  sint  et  quasi  sponsores.  Verum  hoc  non  tam  ad  ornandos  ministros  dictum  est,  quam  in  piorum  consolationem:  ut,  quoties  evangelium  audiunt,  sciant  Deum  secum  de  reditione  in  gratiam  tractare,  et  quasi  pacisci.  Quid  hoc  bono  optabilius?  Meminerimus  ergo  hunc  praecipuum  esse  evangelii  finem  :  quum  natura  simus  filii  irae,  ut  abolito  inter  Deum  et  nos  dissidio  recipiamur  ab  ipso  in  gratiam.  Hoc  mandato  instruuntur  ministri,  ut  nuntium  tanti  boni  ad  nos  perferant:  imo  certiores  nos  reddant  de  5*