45:70  criter,  mutato  repente  consilio,  uxorem  sumpsisset,  cuius  contubernio  se  pollutum  iri  nuper  censebat.  Itaque  somnio  impressa  fuit  aliqua  divinitatis  nota,  quae  eius  animum  fluctuari  non  sineret.  Sequutus  est  deinde  fidei  effectus,  quod  agnita  Dei  voluntate  protinus  ad  parendum  se  accinxit.  25.  Non  cognovit  eam  ete.  Huius  loci  praetextu  magnas  quondam  turbas  movit  Helvidius  in  ecclesia:  quod  inde  colligeret,  Mariam  non  nisi  ad  primum  usque  partum  virginem  fuisse,  postea  autem  ex  marito  sustulisse  alios  liberos.  Perpetua  Mariae  virginitas  acriter  et  copiose  ab  Hieronymo  defensa  fuit.  Nobis  hoc  unum  sufficiat,  stulte  et  perperam  ex  verbis  evangelistae  colligi,  quid  post  Christum  natum  contigerit.  Vocatur  primogenitus:  sed  non  alia  ratione  nisi  ut  sciamus,  ex  virgine  esse  natum.  Negatur  Ioseph  rem  cum  ea  habuisse,  donec  peperit:  hoc  quoque  ad  idem  tempus  restringitur.  Quid  postea  sequutum  sit,  non  indicat.  Talem  esse  scripturae  usum  satis  notum  est.  Et  certe  nemo  unquam  hac  de  re  quaestionem  movebit  nisi  curiosus:  nemo  vero  pertinaciter  insistet  nisi  contentiosus  rixator.  LUC.  II.  1.  Factum  est  autem  diebus  iilis^  exiit  edictum  a  Caesare  Augusto,  ut  censeretur  universus  orbis.  2.  Haec  descriptio  prima  facta  est  praeside  Syriae  Cyrenio.  3.  Et  ibant  omnes  ut  profiterentur,  in  suam  quisque  civitatem.  4.  Adscendit  autem  et  Ioseph  a  Galilaea  ex  urbe  Nazareth  in  Iudaeam^  in  urbem  Davide  quae  vocatur  Bethlehem  (quia  erat  ex  domo  et  cognatione  David),  5.  Ut  profiteretur  cum  Maria  desponsa  sibi  uxore,  quae  erat  praegnans.  6.  Accidit  autem  quum  ibi  essent,  completi  sunt  dies  pariendi  7.  Et  peperit  filium  suum  primogenitum  ac  fasciis  eum  invdvit,  reclinavitque  eum  in  praesepi,  quod  non  esset  eis  locus  in  diversorio  ��  Narrat  Lucas,  quomodo  factum  fuerit,  ut  nasceretur  Christus  in  urbe  Bethlehem,  quum  Maria  mater  eius  alibi  degeret  iam  partui  vicina.  Ac  primum  excludit  humanum  consilium,  quum  dicit,  Ioseph  et  Mariam  relicta  domo  illuc  venisse,  ut  secundum  familiam  ac  gentem  suam  profiterentur.  Si  data  opera  et  consulto  locum  mutassent,  ut  pareret  Maria  in  Bethlehem,  tantum  in  homines  ipsos  intenti  essemus:  nunc  vero,  quum  nihil  aliud  habeant  propositum  quam  ut  Augusti  edicto  pareant,  satis  agnoscimus,  eos  caecorum  instar  Dei  manu  fuisse  illuc  deductos,  ubi  Christum  nasci  oportuit.  Videtur  quidem  hoc  esse  fortuitum,  sicuti  alia  omnia,  quae  certo  hominum  consilio  non  reguntur,  fortunae  adscribunt  profani  homines:  atqui  non  simpliciter  respicere  convenit,  quid  geratur,  sed  in  me-