44:70  vel  litigare,  vel  admittere  Iudaeos  in  reatum,  ut  loquuntur.  Iehova  ergo  abstulit  iudicia  tua.  Et  sequitur  explicatio  quod  purgando  reiecerit  omnes  inimicos.  Nam  inter  Dei  iudicia  scimus  esse  bellum.  Quum  ergo  Deus  poenas  sumpsisset  de  Iudaeis  per  Assyrios,  per  Aegyptios,  per  Chaldaeos,  per  alias  profanas  gentes,  iam  dicit  omnes  hostes  esse  reiectos.  Unde  sequitur  non  proprio  motu  vel  Assyrios,  vel  Chaldaeos  irrupisse,  sed  fuisse  quasi  gladios  Dei,  quemadmodum  alibi  dictum  fuit.  Sequitur  postea,  Rex  Israel  Iehova  est  in  medio  tui.  Hic  breviter  propheta  ostendit  summam  verae  et  solidae  felicitatis  in  eo  esse  positam,  si  Deus  declaret  re  ipsa  se  curam  gerere  populi  sui.  Dicitur  enim  Deus  in  medio  nostri  esse,  quum  testatur  nos  degere  sub  fide  sua  et  praesidio,  nunquam  deserit  suos  proprie  loquendo:  sed  scimus  istas  loquutiones  saepe  referri  ad  sensum  carnis,  quum  dicitur  Dominus  vel  procul  abesse,  vel  habitare  in  medio  nostri.  Hoc  ergo  refertur  ad  sensum  nostrum:  quia  tunc  putamus  Deum  abesse,  ubi  licentiam  permittit  hostibus  nostris,  ita  ut  videamur  esse  expositi  in  praedam.  Dicitur  autem  Deus  habitare  in  medio  nostri,  dum  nos  protegit  sua  virtute  et  sustinet  omnes  insultus.  Sic  ergo  dicit  nunc  propheta  noster  Deum  fore  in  medio  ecclesiae  suae,  quia  re  ipsa  et  experimento  monstrabit  se  esse  praesidem  populi  electi.  Abfuerat  vero  ad  tempus,  quum  nudatus  esset  populus  ille  omni  auxilio:  quemadmodum  etiam  hac  loquendi  forma  utitur  Moses,  quod  populus  sese  nudaverit  (Exod.  32,  25),  quia  Deum  abnegaverat,  cuius  manu  tuto  fuerat  protectus  et  erat  etiam  protegendus  usque  in  finem.  Tandem  addit,  Non  videbis  malum.  Alii  legunt,  non  timebis  interposita  litera  \  sed  idem  est  sensus.  Scimus  enim  videndi  verbum  apud  Hebraeos,  saepe  poni  pro  experiri  vel  sentire.  Non  videbis  ergo  malum,  hoc  est,  Deus  faciet  ut  degas  tranquillus  extra  omnem  molestiam.  Si  magis  placeat  diversa  lectio,  Non  timebis  malum,  hoc  referendum  erit  ad  legis  benedictionem:  quia  nihil  magis  optabile  quam  pax  et  serena  tranquillitas.  Quum  igitur  hoc  praecipuum  sit  inter  bona  humana,  non  abs  re  propheta  dicit  ecclesiam  immunem  fore  ab  omni  metu  et  sollicitudine,  ubi  Deus  in  medio  eius  habitabit,  quemadmodum  etiam  dicit  Psal.  46.  Sequitur  nunc:  16.  In  die  Uia  dicetur  Ierosolymae,  Ne  timeas  Sion,  ne  pigrescant  (vel  solvantur  :  nam  nsn  significat  lentum  esse,  vel  remissum  vel  dissolutum:  ne  ergo  pigrescant,  manus  tuae).  17.  Iehova  Deus  tuus  in  medio  tui  fortis  servabit,  exsultabit  (gaudebit),  super  te  in  laetitia:  quiescet  (silebit  ad  verbum:  vel  quietus  erit)  in  amore  suo,  exsultabit  super  te  cum  iubilatione.