42:70  s'en  vont  de  la,  et  Dieu  les  y  pousse,  et  cependant  nous  voions  comme  il  ha  besongne  par  eux,  comme  il  ha  fait  prosperer  leur  constance  qu'il  leur  avoit  donnee:  voila  donc  ce  que  nous  avons  a  noter  quant  a  cette  petite  aide,  et  de  fait,  il  est  besoin  que  nous  soions  ainsi  secourus,  voire  avec  infirmite,  que  Dieu  n'estende  point  un  bras  arme,  tellement  que  nous  aions  occasion  de  faire  des  triomphes  ici  bas,  mais  que  nous  esperions  tousiours  en  luy,  et  que  nous  soions  contraints  de  regarder  en  haut  au  ciel,  quand  nous  voulons  estre  delivres  de  la  main  de  nos  ennemis  et  de  leur  rage.  Si  Dieu  nous  donnoit  ici  apparence  qu'il  nous  voulust  maintenir,  que  seroit-ce?  nous  aurions  nos  yeux  attaches  ici  bas,  nous  serions  comme  des  paons,  nous  mirans  en  nos  plumes:  o  nous  avons  un  tel  moien  (dirions-nous,)  nous  avons  un  tel  qui  est  de  nostre  coste,  et  comment,  l'Evangile  n'ha  plus  garde  d'estre  persecute,  nous  serons  bien  maintenus,  que  ceux  qui  vouloient  aneantir  l'Evangile  facent  ce  qu'ils  voudront,  car  ils  ne  pourront  rien,  quand  nous  avons  de  si  bons  moiens  pour  nous  defendre  a  l'encontre  d'eux,  voila  comme  nous  ferions  nos  triomphes  en  ce  monde,  et  nous  y  arresterions,  comme  nous  y  sommes  adonnes,  et  enclins  par  trop  de  nature,  mais  Dieu  besongne  d'une  autre  sorte,  voire  tellemeut  que  nous  avons  tousiours  occasion  de  craindre:  il  y  aura  une  ville  de  Geneve,  ou  l'Evangile  se  preschera,  qu'on  aille  seulement  a  demie  lieue  loing,  qu'on  regarde  quels  sont  nos  voisins,  et  on  trouvera  des  appareils  pour  exterminer  cette  doctrine,  quels  sont  ceux  qui  nous  environnent?  regardons  un  peu  leur  puissance,  voila  comment  c'est  que  Dieu  encores  auiourd'huy  veut  secourir  son  Eglise,  c'est  avec  une  main  foible,  avec  une  main  qui  ost  si  petite  que  les  hommes  s'en  mocquent,  et  voila  pourquoy  les  sages  n'ont  garde  de  se  ioindre  avec  nous.  Pourquoy?  Et  si  auiourd'huy  ceux  qui  vont  a  Geneve  sont  a  repos,  demain  ils  pourront  avoir  le  couteau  en  la  gorge,  on  les  saccagera  tous,  on  en  fera  une  boucherie  si  horrible  que  ce  sera  pitie,  Et  ne  vaudroit-il  pas  mieux  qu'ils  fussent  devores  en  leurs  maisons?  ils  disent  vray  selon  le  monde,  et  nous  faut  aussi  preparer  a  cela,  mais  cependant  nous  avons  une  aide  qui  est  de  Dieu.  Celuy  qui  ha  ordonne  que  son  Evangile  se  preschast  ici,  il  y  ha  mis  comme  un  nid,  et  une  retraitte  pour  ses  pauvres  fideles  qui  sont  comme  des  oiselets  effarouches  par  les  oiseaux  de  proie,  comme  des  agneaux  chasses  par  les  loups,  et  par  les  tirans.  Et  bien,  Dieu  donnera  un  aide  petit  et  foible  quant  aux  hommes,  bref,  on  s'en  pourroit  mocquer,  et  ce  n'est  point  de  merveilles  que  ceux  qui  font  les  discours  selon  le  monde,  ne  veulent  point  approcher  de  ce  petit  troupeau,  et  qui  aiment  mieux  s'entretenir  la  ou  ils  sont,  mais  quoy?  Pra-