39:70  modum  in  papatu,  etiamsi  Christi  nomen  praetexant,  quia  tamen  neque  subiiciunt  se  eius  imperio  et  legibus,  neque  contenti  sunt  ipso  sacerdote,  sed  innumeros  sibi  patronos  fabricant:  hinc  patet,  etiamsi  magnus  sit  splendor  papatus,  meram  esse  abominationem  coram  Deo.  Ergo  discamus  incipere  a  regno  et  sacerdotio  ubi  de  ecclesiae  statu  et  gubernatione  agitur.  Scimus  autem  in  Davide  fuisse  promissum  spirituale  regnum.  Quid  enim  aliud  fuit  David  quam  Christi  typus?  Quoniam  ergo  Deus  illic  insculpsit  vivam  imaginem,  unigeniti  filii  sui  semper  transitum  facere  oportet  ab  illo  temporali  regno  ad  aeternum,  ab  illo  visibili  ad  spirituale,  a  terreno  ad  coeleste.  Idem  etiam  de  sacerdotio  dicendum  est.  Neque  enim  potuit  mortalis  homo  Deum  reconciliare  hominibus,  et  expiare  peccata:  deinde  sanguis  taurorum  etiam  non  potuit  placare  iram  Dei:  neque  suffitus,  neque  aspersiones  aquae,  et  alia  omnia  quae  spectant  ad  legem  caereinonialem,  poterant  acquirere  spem  salutis  ad  sedandas  trepidas  conscientias.  Sequitur  ergo,  sacerdotium  illud  fuisse  umbratile:  et  Levitas  gestasse  personam  Christi  usque  ad  eius  adventum.  Sed  propheta  hic  pro  temporis  sui  ratione  loquitur  quum  dicit:  non  excidetur  Davidi,  hoc  est,  a  Davide,  vir  qui  sedeat  super  solium  domus  Israel:  hoc  unum  est,  deinde,  non  excidetur  ex  sacerdotibus  Levitis  vir  qui  accendat  holocaustum,  et  adoleat  oblationem,  ete.  Cur  non  in  genere  loquitur  de  toto  populo?  cur  non  promittit  duodecim  tribus  fore  incolumes  ?  Hoc  enim  maioris  erat  momenti.  Sed  quemadmodum  diximus,  tenere  principium  illud  convenit,  omnes  beatitudinis  numeros  hic  comprehendi:  ut  rursum  semper  miseri  sunt  homines  nisi  regantur  a  Christo,  et  habeant  eum  sacerdotem.  Sed  hic  quaeritur,  quomodo  conveniat  hoc  vaticinium  cum  ipsa  experientia.  Nam  ex  quo  talem  statum  pollicitus  est  Ieremias  nullus  fuit  Davidi  successor.  Verum  quidem  est  Zerubabel  fuisse  ducem  populi,  sed  caruit  regio  titulo,  atque  etiam  splendore.  Nullum  fuit  solium,  nullum  diadema,  nullum  sceptrum  ex  quo  reversus  est  populus  ab  exsilio  babylonico:  et  tamen  Deus  testatus  fuerat  per  os  Ieremiae  semper  fore  ex  posteris  Davidis  qui  continua  serie  populum  gubernarent.  Neque  dicit  fore  proceres,  sed  ornat  regio  titulo:  Manebit  semper  aliquis  successor  qui  solium  occupet,  inquit.  Iam  diximus  nullum  fuisse  solium,  sed  tenendum  est  quod  dicit  Ezechiel,  nempe  regni  interruptionem  non  fuisse  contrariam  huic  vaticinio  de  regni  perpetuitate,  vel  de  successione  continua.  Nam  praedixerat  cidarim  proiiciendam  esse  donec  veniret  legitimus  successor  Davidis.  Oportuit  igitur  cidarim  concidere,  et  proiici  in  terram,  vel  transversam  esse,  quemadmodum  loquitur  propheta,  usque  dum  Christus  exhiberetur.  Quoniam  ergo  illud  fuerat  pronuntiatum,  nunc  quum  propheta  noster  de  5*