35:70  choses,  et  que  nous  les  trouvons  estranges,  il  nous  faut  la  retenir.  Comme  aussi  quand  il  est  dit  en  l'Escriture,  que  Dieu  a  eleu  devant  la  creation  du  monde  ceux  qu'il  luy  a  pleu,  les  autres  sont  reprouvez:  c'est  bien  raison  qu'on  recoive  cela  en  toute  reverence,  et  que  nous  cognoissions  que  nostre  salut  procede  de  la  bonte  gratuite  de  nostre  Dieu,  puis  qu'il  nous  a  choisis  de  ceste  masse  perdue  et  damnee.  Au  reste,  si  nous  allons  sur  ce  poinct  voltiger  en  des  speculations  trop  hautes,  nous  y  serons  confus,  et  a  bon  droit.  Et  pourquoy?  Car  la  nous  voulons  plus  savoir  que  Dieu  ne  nous  donne:  et  c'est  comme  batailler  a  l'encontre  de  lui.  Et  pensons-  nous  qu'une  telle  rage  demeure  impunie?  Voila  donc  comme  nous  avons  a  pratiquer  ce  passage,  quand  il  est  dit,  que  Dieu  parlera  et  une  fois  et  deux,  sans  qu'on  Voye:  c'est  a  dire  sans  qu'il  soit  entendu,  pource  que  l'esprit  des  hommes  est  par  trop  infirme.  Or  maintenant  venons  a  ce  qu'Eliu  adiouste.  Il  dit,  Quand  le  sommeil  abbat  les  hommes,  et  qu'ils  reposent  et  dorment  au  lict:  Dieu  parle,  et  ouvre  leurs  aureilles,  ouy,  pour  les  retirer  (dit-il)  de  leur  ouvrage,  et  pour  donter,  ou  cacher  V  orgueil  qui  est  aux  hommes:  c'est  a  dire  pour  le  mettre  bas  et  l'ensevelir:  ou  bien  pour  seeller  (dit-il)  5a  discipline,  son  instruction  en  chastiant  les  hommes.  S'il  les  voit  durs,  et  qu'ils  ne  recoivent  point  la  simple  doctrine  ou  instruction  qu'il  leur  a  donnee,  il  faut  qu'alors  il  frappe,  et  qu'avec  les  verges  il  les  donte,  et  dispose  a  estre  enseignez  en  sa  verite.  Voila  en  somme  ce  qui  est  ici  traitte.  Or  Eliu  parle  selon  son  tenaps:  car  nous  avons  desia  dit  qu'il  n'estoit  pas  de  ce  peuple  que  Dieu  avoit  eleu  pour  luy  communiquer  sa  Loy.  Car  si  luy,  et  ceux  dont  nous  avons  ouy  parler,  et  Iob  mesmes  ont  este  depuis  Moyse  (ce  qui  est  incertain)  si  est-ce  qu'ils  estoyent  eslongnez  de  l'Eglise  de  Dieu,  et  ce  qu'ils  avoyent  de  cognoissance  elle  leur  estoit  donnee  d'une  facon  extraordinaire,  entant  qu'il  plaisoit  a  Dieu  de  les  inspirer.  Voila  pourquoy  il  dit,  que  Dieu  inspire  les  hommes,  voire  par  songes:  quand  ils  sont  assoupis,  que  Dieu  leur  vient  comme  tirer  l'aureille,  et  les  advertir  afin  qu'ils  pensent  a  luy.  Vray  est  que  Dieu  nous  inspire  bien:  et  encores  que  nous  oyons  sa  parole  pour  estre  instruits,  que  nous  ayons  l'Escriture  saincte  laquelle  nous  pouvons  lire,  Dieu  ne  laisse  pas  de  nous  admonnester  et  nous  donner  beaucoup  de  remords:  et  ce  sont  autant  d'adiournemens  par  lesquels  il  nous  rappelle  a  soy,  quand  nous  sommes  comme  esgarez.  Car  nous  voyons  que  les  hommes  ensevelissent  ceste  cognoissance,  ils  ne  demandent  que  de  mettre  Dieu  en  oubli:  or  Dieu  nous  vient  sonder  la  dedans.  Quand  donc  nous  avons  des  pointes  et  des  pensees  qui  nous  solicitent:  cognoissons  que  c'est  Dieu  qui