33:70  sont  en  nous,  quand  il  nous  afflige,  nous  sommes  domtes,  il  nous  commande  de  nous  retirer  de  ce  monde,  de  n'estre  plus  adonnez  a  nos  voluptez  et  delices  charnelles.  Mais  il  y  a  plus  :  c'est  que  tout  ainsi  qu'en  la  fournaise  l'or  est  esprouve,  pour  savoir  s'il  y  a  de  Tescume,  aussi  Dieu  monstre  quels  nous  sommes,  quand  il  nous  afflige:  car  les  hommes  mesmes  ne  se  cognoissent  point  devant  qu'avoir  este  ainsi  esprouvez:  devant  qu'avoir  passe  par  Festamine,  il  nous  semblera  que  nous  craignons  Dieu,  qu'il  n'y  a  que  redire  en  nous,  et  cependant  il  y  aura  des  vices,  qui  nous  sont  incognus.  Dieu  nous  les  monstre,  il  nous  les  fait  sentir,  quand  il  nous  envoye  quelque  trouble,  quelque  fascherie,  et  alors  nous  sentons  quelle  est  nostre  infirmite.  Or  si  Dieu  fait  servir  les  afflictions  a,  ses  fideles  comme  d'un  niiroer,  auquel  ils  se  contemplent,  par  plus  forte  raison  il  monstrera  envers  les  autres  que  c'est  d'eux,  s'il  y  a  ea  leur  coeur  foy  et  obeissance,  ou  s'ils  sont  hypocrites,  ou  qu'ils  le  servent  en  verite.  Voila  ce  que  nous  avons  a  noter  de  ce  passage:  et  de  fait  l'experience  nous  le  monstre.  Car  nous  en  verrons  beaucoup,  quand  Dieu  leur  envoye  tout  selon  leur  appetit,  ils  parleront  doux  comme  sucre  (ainsi  qu'on  dit),  ce  bon  Dieu  sera  tant  loue  que  merveilles,  voire  quand  ils  trouveront  leur  escuelle  dressee,  que  rien  ne  leur  defaudra/  o  il  leur  sera  bien  aise  de  confesser  que  Dieu  est  bon.  Mais  s'il  commence  a  les  traiter  rudement,  que  les  choses  ne  vienent  point  a  leur  gre,  ils  se  chagrignent:  si  Dieu  poursuit,  et  qu'il  les  rudoye  encores  plus:  alors  ils  se  desbordent  en  murmures,  voire  et  desgorgent  des  blasphemes  a  l'encontre  de  lui,  et  encores  qu'ils  ne  les  prononcent  de  bouche,  si  est-ce  que  leur  coeur  est  plein  de  venin,  tellement  qu'ils  rongent  leur  frain,  et  despitent  Dieu  de  ce  qu'il  les  traite  autrement  qu'ils  ne  voudroyent.  Voila  donc  comme  en  temps  de  prosperite  il  y  en  aura