28:70  tent  des  troubles  en  l'Eglise  :  que  tous  ceux-la  sont  reiettez  de  Dieu.  Et  mesmes  nous  voyons  qu'il  j  a  auiourd'huy  beaucoup  d'Ammonites  et  Moabites  au  monde.  Car  qui  sont  ceux  qui  taschent  de  tout  pervertir,  qui  esmeuvent  les  scandales,  et  qui  mettent  de  si  grandes  confusions  par  tout?  Ce  sont  ceux  qui  se  nomment  fidelles,  qui  sont  comme  de  nostre  compagnie,  et  qui  ont  le  Baptesme  commun  avec  nous:  tellement  qu'ils  nous  devroyent  aider:  ils  devroyent  apporter  le  pain  et  l'eau  c'est  a  dire,  il  nous  devroyent  tendre  la  main,  a  ce  que  nous  puissions  suyvre  nostre  vocation  pour  parvenir  au  but  auquel  Dieu  nous  appelle.  Ceux-la  (di-ie)  qui  nous  devroyent  recevoir,  afin  de  nous  ouvrir  le  chemin,  ce  sont  ceux  qui  nous  y  mettent  barre:  ce  sont  ceux  qui  nous  font  tourner  bride  en  arriere,  et  qui  mettent  des  confusions  entre  nous.  Par  cela  nous  sommes  admonnestez,  puis  que  le  peuple  de  Dieu  a  este  tourmente  par  ses  propres  parens,  qu'il  nous  faut  auiourd'huy  porter  en  patience  quand  le  semblable  nous  adviendra.  Et  toutesfois  soyons  admonnestez  (comme  i'ay  desia  dit)  de  nous  porter  en  sorte  que  nul  ne  soit  condamne  d'avoir  ferme  le  chemin  a  ceux  qui  taschoyent  d'aller  a  Dieu:  mais  que  nous  les  aidions  entant  qu'en  nous  sera,  et  de  toute  nostre  faculte.  Que  si  nous  ne  le  faisons,  la  vengeance  nous  sera  apprestee.  Car  Dieu  qui  a  condamne  pour  un  coup  les  Moabites,  ne  laissera  point  d'estre  Iuge  auiourd'huy:  encores  que  la  ceremonie  ne  soit  point  observee,  si  est-ce  que  nous  avons  monstre  que  tous  ceux  qui  auiourd'huy  ne  tascheront  d'avancer  le  corps  de  l'Evangile:  qu'il  faudra  qu'ils  soyent  bannis  de  son  royaume.  Et  de  faict,  nous  oyons  les  menaces  qui  sont  faites  par  ses  Prophetes  a  tous  ceux  qui  sont  ennemis  de  l'Eglise,  et  qui  la  molestent.  Et  cela  n'est  pas  pour  le  temps  de  la  Loy  tant  seulement:  mais  ils  predisent  le  regne  de  nostre  Seigneur  Iesus  Christ.  Tous  ceux  qui  ne  tascheront  de  t'aider  et  secourir,  Ierusalem  (dit  le  Prophete  Isaie)  le  Seigneur  s'armera  contre  eux,  et  sentiront  sa  main  forte,  et  seront  ruinez.  Tous  ceux  qui  machineront  quelque  mal  contre  toy,  et  qui  donneront  secours  a  tes  ennemis  pour  les  fortifier,  tous  ceux-la  sentiront  que  la  main  de  Dieu  leur  sera  contraire  et  ennemie.  Autant  en  est-il  dit  en  Zacharie.  Et  ces  Propheties,  ces  menaces  (comme  desia  nous  avons  touche)  ne  sont  point  pour  le  temps  de  la  Loy:  mais  pour  l'estat  de  la  Chrestiente.  Consolons-nous  donc,  quand  nous  voyons  que  Dieu  a  un  tel  soin  de  nostre  salut,  que  tous  ceux  qui  taschent  d'empescher  que  nous  ne  parvenions  a  son  royaume,  et  en  l'heritage  qu'il  nous  a  promis:  qu'il  leur  est  partie  adverse,  qu'il  monstre  que  sa  main  et  sa  malediction  est  sur  leurs  testes.  En  cela  voyons-nous  combien  nostre  salut  luy  est  cher  et  recommande.  Au