27:70  tirer  a  soy:  mais  apres  avoir  use  de  menaces,  apres  nous  avoir  estonnez  pour  nous  faire  humilier  en  crainte,  il  vient  comme  si  un  pere  fiattoit  son  enfant,  et  qu'il  usast  de  propos  humbles  et  gracieux,  plustost  qu'il  ne  portera  ceste  authorite  paternelle.  Voila  comme  nostre  Seigneur  tasche  par  tous  moyens  de  nous  gagner  :  et  tant  plus  sommes-nous  lasches,  et  tant  moins  d'excuse  y  a-il  pour  nous,  quand  nous  ne  pourrons  plier,  ni  par  rigueur,  ni  par  humanite,  veu  que  nostre  Dieu  en  toutes  sortes  tasche  de  nous  attirer  a  soy.  Notamment  donc  Moyse  dit  que  Dieu  est  la  louange  de  son  peuple,  et  qu1  il  a  fait  de  grandes  choses,  et  terribles  a  cause  d'eux.  Pour  cela  en  premier  lieu,  il  dit  que  Dieu  est  leur  louange.  Or  par  ce  mot  il  signifie  que  quand  nous  aurons  cogneu  Dieu,  qu'il  se  sera  manifeste  a  nous  par  sa  parolle:  qu'il  veut  estre  glorifie  en  nous.  Voila  pour  un  item.  Et  puis  il  ramene  au  peuple  les  grands  miracles  qui  ont  este  faits  en  la  sortie  du  pays  d'Egypte.  Car  ce  sont  comme  les  marques  de  la  bonte  de  Dieu,  qu'il  falloit  bien  que  le  peuple  fust  conveincu  par  cela,  que  Dieu  s'estoit  desploye  si  privement  qu'il  estoit  possible,  pour  se  monstrer  favorable  envers  la  lignee  d'Abraham.  En  somme  nous  voyons  que  Dieu  n'use  pas  seulement  de  son  empire,  et  du  droict  souverain  qu'il  a  par  dessus  nous,  pour  nous  assuiettir  a  sa  Loy,  et  a  ses  commandemens  :  mais  il  vient  comme  pere,  et  nous  propose  une  amour  tant  douce,  et  tant  gracieuse,  que  rien  plus:  et  le  tout  afin  de  nous  rompre  toute  la  durte  de  nos  coeurs.  Que  si  nous  ne  sommes  esmeus  de  sa  maieste,  si  nous  ne  luy  portons  reverence  telle  que  nous  devons  pour  la  superiorite  qu'il  a  sur  nous:  pour  le  moins  que  nous  soyons  amollis,  voyans  qu'il  s'abbaisse,  voyans  qu'il  se  demet  de  son  siege,  qu'il  condescend  iusques  la,  de  dire:  Sus,  que  ie  soye  vostre  pere,  et  cognoissez  les  biens  que  ie  vous  ay  faits,  et  par  lesquels  ie  vous  ay  testifiez  ma  grace  envers  nous,  et  que  cela  vous  esmeuve  pour  le  moins  a  m'aimer,  et  a  me  servir.  C'est  bien  l'intention  principale  de  Moyse  que  celle-la:  mais  cependant  notons  aussi  que  Dieu  ne  sera  point  deuement  honore  par  nous,  sinon  que  nous  mettions  toute  nostre  gloire  en  luy.  Car  quand  il  s'est  appelle  nostre  louange,  par  ce  mot  il  nous  a  despouillez  de  toute  gloire,  et  nous  a  monstre  qu'il  n'y  a  rien  en  nous  pourquoy  nous  devions  nous  eslever.  Que  l'homme  donc  se  prise  tant  qu'il  voudra:  en  la  fin  il  faut  qu'il  demeure  confus,  qu'il  sente  qu'il  n'a  point  une  seule  goutte  de  bien  en  soy.  Que  faut-il  donc?  Venons  droit  a  nostre  Dieu,  afin  de  cercher  tout  bien  en  luy,  et  glorifions-le  de  ce  qu'il  s'est  monstre  si  liberal  envers  nous,  afin  que  nous  puissions  nous  glorifier  quant  et  quant  :  comme  il  est  dit  par  Ieremie  :  Qu'il  faut  que  le  riche  oublie  ses  richesses,  que  le  fort  5*