26:70  Notons  donc,  quand  Dieu  nous  a  mis  en  un  corps,  qu'il  faut  que  nous  facions  office  de  membres:  comme  nous  voyons  que  le  pied  servira  a  la  main,  que  la  main  servira  a  l'oeil,  et  que  toutes  les  parties  du  corps  s'employeront  selon  leurs  proprietez  et  vertus:  que  le  tout  revienne  au  profit  commun.  Ainsi  nous  faut-il  garder  ceste  raison  et  droiture-la,  quand  Dieu  nous  a  unis  en  un  corps.  Cela  a  este  cogneu  des  povres  Payens,  qu'on  ne  sauroit  avoir  bonne  police  en  ce  monde,  quand  chacun  sera  addonne  a  son  profit  prive.  Si  la  main  se  vouloit  separer,  voire  s'abstenant  de  servir  au  reste  du  corps,  et  les  autres  membres  ainsi:  voila  beaucoup  de  pieces:  mais  cependant  elles  seront  mortes,  il  faudra  qu'elles  pourrissent  toutes.  Ainsi  en  est-il,  quand  les  hommes  veulent  tirer  au  rebours  de  ceste  communion,  laquelle  ils  doyvent  observer,  et  que  nul  ne  pense  au  bien  commun  :  mais  que  c'est  assez  qu'on  face  son  profit:  il  faut  a  la  fin  que  tout  aille  en  dissipation.  Mais  principalement  ceci  doit  estre  observe  au  regime  spirituel  de  l'Eglise,  comme  sainct  Paul  nous  le  monstre.  Car  il  n'y  ha  point  la  seulement  une  similitude  du  corps  humain:  mais  a  la  verite  le  Fils  de  Dieu  est  nostre  chef.  Et  c'est  de  luy  que  nous  sommes,  et  que  nous  avons  grace  et  vertu  en  telle  portion  et  mesure  qu'il  luy  plaist  nous  eslargir.  Puis  qu'ainsi  est,  apprenons  de  nourrir  paix  et  fraternite  entre  nous:  et  pour  ce  faire,  qu'un  chacun  s'employe  envers  ses  prochains:  et  que  nous  ne  soyons  point  tellement  affectionnez  a  nostre  avantage  particulier,  que  nous  ne  mettions  peine  de  servir  a  tous  ceux  avec  lesquels  nous  sommes  unis.  Et  que  nous  n'alleguions  point:  Et  qu'ay-ie  affaire  de  porter  un  tel  fardeau  qui  me  sera  pesant?  et  ne  m'en  puis  ie  pas  bien  passer?  Gardons  de  nous  retenir,  pour  nous  nourrir  ainsi  en  oysivete.  Car  selon  le  pouvoir  que  Dieu  nous  donne,  il  nous  oblige  quant  et  quant  de  servir  a  nos  prochains.  Et  pourquoy?  Car  nous  sommes  membres  d'un  corps:  il  ne  faut  point  amener  autre  raison  que  celle-la.  Ainsi  en  somme  nous  ne  pouvons  estre  du  trouppeau  de  nostre  Seigneur  Iesus  Christ,  qu'un  chacun  ne  regarde  ce  qui  luy  est  donne,  afin  de  le  faire  profiter,  et  le  mettre  en  l'edification  commune  de  l'Eglise,  comme  S.  Paul  en  parle.  Quant  a  la  vie  humaine,  conversans  tellement  avec  les  hommes,  que  si  nous  en  recevons  profit,  que  nous  avisions  aussi  de  nostre  coste  de  n'estre  point  inutiles,  qu'il  y  ait  une  correspondance  mutuelle.  Or  est-il  ainsi  que  nul  de  nous  ne  se  peut  passer  de  ses  prochains:  que  un  homme  soit  tant  habile  qu'il  voudra,  si  faut-il  neantmoins  qu'on  luy  serve  en  beaucoup  de  choses.  Quand  il  cognoist  qu'il  ha  ainsi  besoin  et  necessite  du  secours  d'autruy:  faut-il  qu'il  se  retire  d'avec  ses  prochains,  et  qu'il  soit  si  delicat,  qu'il  5*