22:70  chose  il  nous  baille  en  la  cene  un  enseignement  tant  certain  et  manifeste  que  sans  nulle  doubte  il  fault  estre  asseure  que  Christ  avec  toutes  ses  richesses  nous  y  est  presente  non  pas  moins  que  sil  estoit  mis  en  la  presence  de  noz  yeulx  et  estoit  touche  de  noz  mains:  et  mesmes  dune  si  grande  vertu  et  efficace  quil  napporte  pas  seulement  la  a  noz  esperitz  une  confiance  asseuree  de  la  vie  eternelle,  mais  aussi  nous  rend  certains  de  limmorlite  de  nostre  chair.  Car  elle  est  desia  vivifiee  par  sa  chair  immortelle  et  communique  en  quelque  maniere  a  son  immortalite.  Pourtant  soubz  pain  et  vin  sont  representez  le  corps  et  sang,  affin  que  nous  apprenions  que  non  seulement  ilz  sont  nostres  mais  quilz  nous  sont  en  vie  et  nourriture.  Ainsi  quand  nous  voyons  le  pain  sanctifie  au115)  corps  de  Christ,  souldain  il  fault  concevoir  ceste  similitude  que  comme  le  pain  nourrist  soustient  et  conserve  la  vie  de  nostre  corps,  ainsi  le  corps  de  Christ  est  la  viande  et  protection  de  nostre  vie  spirituelle:  quand  le  vin  nous  est  presente  en  sign  du  sang,  nous  avons  pareillement  a  reputer  qu  telz  fruictz  quil  apporte  au  corps  nous  les  recevons  spirituellement  du  sang  de  Christ.  Or  ce  mystere  comme  il  est  ung  enseignement  de  la  divine  largesse  si  grande  envers  nous,  ainsi  pareillement  il  nous  doibt  admonester  que  nous  ne  soions  ingratz  a  une  benignite  si  ouverte,  mais  que  plustost  nous  lexaltions  par  telles  louanges  quil  est  convenable  et  la  celebrions  par  actions  de  graces.  Davantage  que  nous  nous  embrassions  mutuellement  par  telle  unite  que  les  membres  dun  mesme  corpz  liez  entre  eulx  mesmes  sont  conioinctz  ensemble.  Car  nul  aiguillon  ne  povoit  estre  donne  plus  aspre  ne  plus  picquant  a  esmouvoir  et116)  inciter  entre  nous  une  mutuelle  charite  que  quand  Christ  se  donnant  a  nous  ne  nous  convie  pas  seulement  par  son  exemple  a  ce  que  nous  nous  donnions  et  exposions  mutuellement  lun  a  lautre,  mais  daultant  quil  se  faict  commun  a  tous  il  nous  faict  aussy  tous  un  en  soy  mesmes.  Des  pasteurs  de  lEglise  et  de  leur  puissance.  Puis  que  le  Seigneur  a  voulu  que  tant  sa  parolle  que  ses  sacremens  soyent  dispensez  par  le  ministere  des  hommes,  il  est  necessaire  quil  y  ait  des  pasteurs  ordonnez  aux  Eglises,  lesquelz  enseignent  le  peuple,  et  en  publiq  et  en  prive,  de  pure  doctrine  et  administrent  les  sacremens  et  par  bon  115)  in.  116)  ne  plus  picquant  a  esmouvoir  et  om.