20:70  S.  D.  Procul  dubio  mirum  tibi  videbitur,  vir  clarissime,  quod  tam  raras  ab  eo  tempore  quo  in  Poloniam  veni  ad  te  dederim  literas.  Yix  enim  me  abhinc  toto  quadriennio2)  semel  ad  te  scripsisse  memini.  Ac  quamvis  lubens  pigritiam  in  scribendo  mihi  ascribi  posse  agnoscam,  tamen  diuturni  mei  silentii  haec  inprimis  causa  fuit  quod  nihil  dignum  haberem  auribus  tuis,  et  quod  copiosius  ex  multorum  literis  percipere  potuisses,  tibi  significare  supervacaneum  fore  iudicabam.  Ipse  quidem  superiore  anno  Gallias  nostras  invisere  cogitabam  et  de  inclinata  afflictaque  in  istis  ecclesiis  doctrina  de  trinitate  orthodoxa  praesens  tecum  disserere:  sed  furor  ingensque  procella  civilis  belli  Gallici  me  ab  itinere  revocavit.  Ac  tum  illud  tempus,  quod  cum  meis  necessariis  dulcissimis  ac  piis  colloquiis  consumere  sperabam,  lacrymis  ac  lugubribus  orationibus  transigere  oportuit.  Nunc  vero,  quum  Dei  opt.  max.  auspiciis  post  funestam  illam  cladem  non  modo  uno  Holoferne  sed  etiam  aliquot  dirissimis  Ciclopibus  exstinctis  laetissima  pax  nostris  sit  restituta,  constitui  tuo  praesertim  fretus  iudicio  ac  consilio,  si  quid  opera  nostra  studiumque  nostris  hominibus,  quorum  causa  natus  sum,  prodesse  possit,  refiexa  velificatione  in  durissimum  natale  solum  renavigare  ac  remeare.  Quemadmodum  enim  olim  te  annuente  in  Sarmatiam  veneramus,  ut  verae  religionis  progressum  hic  iuvaremus,  ita  etiam  eandem  nisi  te  connivente  tuoque  nutu  deserere  ac  relinquere  minime  decrevi.  Equidem  magnae  causae  sunt  quae  me  de  discessu  cogitare  suadent  ac  impellunt:  quas  si  pro  tua  singulari  pietate  ac  prudentia  merito  expendere  volueris,  nihil  mihi  levitatis  aut  inconstantiae  attribuere  poteris.  Praetereo  quidem  quod  biennium  abhinc  Biturigibus3)  literas  a  fratre  et  aliis  meis  necessariis  accepi,  quibus  me  ad  messem  uberrimam  colligendam  perpie  invitabant.  Magnum  quidem  pondus  eorum  adhortatio  apud  me  habuit:  ingens,  fateor,  calcar  mihi  addiderunt,  quo  me  ad  patriam  iuvandam  in  eradicandis  Antichristi  sentibus  et  dumetis  mutuas  operas  conferrem  et  compararent.  4)  Sed  paululum  me  retinuit  mei  muneris  ratio  ac  vocationis,  ne  tam  temere  me  de  statione  mea  moverem.  Ac  quum  virus  dirissimae  et  perniciosissimae  haereseos,  quod  a  vestris  transfugis  hic  sparsum  est,  indies  magis  ac  magis  sicut  gangrena  crescat,  sic  ut  vix  obrui  et  opprimi  posse  putem,  diutius  miseram  istarum  ecclesiarum  faciem  intueri  nequeo,  et  iam  plane  de  discessione  cogitare  mihi  fas  et  liberum  esse  puto.  Tam  horrendum  sane  schisma  inter  verbi  ministros  grassatur,  ut  2)  N.  3004.  3098.  3)  ex  quibus  ipse  oriundus  erat.  4)  sic.  5*