19:70  scripto  par  lesdits  fidelles  a  l'eglise  de  Nisme,  Ensemble  de  la  victoire  quen  ont  eue  du  22.  Oct.  1561.  Messieurs.  Il  y  a  envyron  dix  jours  que  noz  adversaires  advertis  du  massacre  de  Beziers  se  mirent  en  debvoir  de  nous  en  faire  autant  et  a  ces  fins  mirent  garnisons  a  leur  forteresse  appelle  de  8t.  Pierre  avec  a  force  armes  vivres  et  munitions  et  ne  se  contentans  de  cela  saysirent  la  tour  dela  porte  des  carmes  qui  est  la  plus  forte,  propre  pour  ceulx  de  la  ville  ayans  par  ce  liberte  dentrer  et  sortir  et  faire  tout  ce  que  bon  leur  sembloit.  Joinct  que  toute  la  rue  despuis  le  temple  jusques  a  la  dite  porte  estoient  papistes  et  de  leur  forteresse  montoient  aussi  sur  les  murailhes  de  la  ville,  davantage  ilz  se  seroient  saysis  de  deux  pieces  dartillerie  que  la  ville  avait  mis  dans  la  maison  de  Monsr,  le  gouverneur,  lesquelles  mirent  au  hault  d'une  de  leurs  tours  braquees  contre  la  ville.  Si  nous  feusmes  lors  en  crainte  vouz  le  pouves  penser,  joint  que  nuict  et  jour  sembloit  que  le  fouldre  feust  en  la  ville,  des  coups  de  canons,  arquebouses  et  autres  pieces  a  feu  quils  laehoient  et  aultres  de  leur  secte  des  autres  temples  respondans  lung  a  laultre  tant  ceux  de  dedans  que  ceulx  de  dehors,  qui  feust  cause  [gue~\  nous  retirasmes  au  magistrat,  et  appres  leur  avoir  faict  plusieurs  offires,  mesmes  a  leur  bailher  cautions,  jusques  a  telle  somme  quilz  vouldroient,  quil  ne  leur  seroit  faict  aulcun  dommaige.  Comme  n'avoit  este  quilz  ne  seroient  empesches  en  leur  service  ne  en  aucun  aultre  temple  qua  celluy  que  nouz  avions,  ains  promis  de  vivre  ensemble  en  bonne  paix  Et  quilz  auroient  refuge.  Commencames  chacune  nuict  faire  guet  de  toute  une  surveilhance  en  armes.  La  ville  reduicte  en  quattre  surveilhances.  Les  principaulx  habitans  prevoyans  le  danger  par  la  bravade  et  temerite  des  adversaires,  moyennarent  de  nous  faire  parlamenter  quattre  de  nous  avec  quattre  des  leurs.  Ce  qui  feust  fait  sabmedy  dernier  apres  dyner  a  la  maison  et  presence  de  Monsr,  le  general  des  fioances,  Monsr.  Chefdebien  presens  les  consulz  et  aultres  gens  nottables  de  la  ville.  Mais  pour  la  bravade  des  adversaires  ne  feust  rien  accorde  si  nest  que  chascune  partie  esliroient  ung  homme  et  avec  ledit  S'  general  Ckefdebien  qui  seroit  tierce,  seroit  fait  accord:  a  quoy  ilz  s'accordarent,  parce  que  ledit  Sr  Chefdebien  est  grand  papiste,  et  par  ce  auroit  deux  de  leur  part.  Non  obstant  cest  accord  jlz  saysissent  une  grande  et  haulte  tour  des  murailhes  de  la  ville  le  seoir  dudit  accord.  Que  feust  cause  que  la  nuict  nostre  guet  mis  en  ordre  L'assault  feust  donne  a  la  tour  et  tellement  poursuyvy  que  la  place  feust  saysie  et  recouverte.  Ce  faict  daultant  que  la  dite  tour  est