15:70  reitteration  non  seulement  avant  avoir  veu  executer  a  mort  et  brusler  le  dernier  Sodomite  mais  aussi  apres  la  dicte  examination  comme  jlz  ont  tous  troys*  confesses  ce  qui  demonstre  leur  grande  et  destinee  malice  par  laquelle  aulcung  deux  auroient  desia  attente  a  stuprer  de  petites  filles:  A  ces  causes  ne  trovons  que  par  le  droict  la  jeunesse  les  puisse  exempter  de  la  peine  du  dict  crime.  Car  quand  les  loix  parlent  dexcuser  les  delictz  de  jeunesse"  elles  font  expresse  declaration:  des  enfans,  qui  sentend  de  ceulx  qui  ne  sont  asses  capables  de  raison  et  ne  scavent  bonnement  quilz  font  et  non  pas  de  ceulx  qui  sont  puberes  ou  prochains  de  puberte  8)  et  capables  de  malice  pour  pouvoir  commettre  et  perpetrer  telz  crimes  et  pourtant  suyvant  la  disposition  de  droict4)  ne  pouvons  trover  quilz  ne  meritent  la  mort  toutefoys  non  pas  tant  rigoureuse  que  si  les  dicts  garcons,  eussent  este  plus  aages  et  suffiroit  a  rigueur  de  droict  pour  rendre  la  peine  correspondante  a  tel  crime  et  moins  rigoureuse  pour  leur  jeunesse  quilz  feussent  noyes:  toutefoys  sil  plaisoit  a  voz  excellences  leur  faire  grace  de  mort  semble  neantmoings  quilz  ne  peuvent  estre  exemptes  de  peine  corporelle  publique  et  exemplaire  :  Car  nest  possible  que  le  dict  crime  soyt  cache  et  celle  et  v  auroit  plus  grand  dangier  et  scandale  en  limpunite  ou  couverture  de  la  peine  quen  la  punition  publique  et  exemplaire  attendu  aussi  quil  fault  craindre  lire  de  dieu  qui  na  voulu  reveller  tel  crime  et  en  tant  de  personnes  pour  le  laisser  jmpuny  mesmes  en  tel  lieu  et  seroit  dangier  que  nostre  Seigneur  manifestast  avec  plus  horrible  punition  ce  que  les  hommes  auroient  voulu  cacher  et  que  son  jre  envellopast  plusieurs  aultres.  Parquoy  nous  semble  que  les  dicts  troys  plus  grands  garcons  pour  le  moings  meritent  destre  fouettes  publiquement  par  les  carrefours,  la  corde  au  col  et  quen  quelques  lieux  publiez  ou  jlz  seront  fouettes  soyt  allume  ung  feu  pour  leur  demonstrer  la  peine  que  meritoit  tel  crime  abhominable  et  quil  leur  sera  signifiee  et  comminee  en  cas  de  recidivation.  Et  afin  quapres  la  dicte  peine  du  fouet  jlz  ne  soyent  en  horreur  au  public  pour  certain  temps  seront  mis  en  serres  en  quelque  lieu  ou  bon  vous  semblera  et  une  partie  du  dict  temps  norris  au  pain  et  a  leaue  et  si  bon  vous  semble  les  bailler  en  garde  aux  parens,  sera  avee  commination  dobserver  ce  qui  leur  sera  en  joinct.5)  Grerm.  Colladon.  Jehan  Calvin.  Francoys  Chevallier.  Abel  Pouppin.  1922.1)  OW.  2)  En  marge:  C.  de  Adulter.  L,  cum  vir.  autem  ut  non  luxurientur  contra  naturam.  3)  En  marge:  Ad  leg.  Cornel,  de  Sicar.  h.  infans  ad  s.  sillania  L.  pro  s.  impubes  c  si  adver.  delict.  1.  pri.  4)  O.  de  penis  L.  impunitas  die  L.  tn.  xiv.  (?)  5)  L'affaire  fut  traitee  du  7  au  15  Mars  1554.