13:70  doctriner  le  peuple.  Le  second  sera  de  lextirpation  des  abuz  qui  ont  regne  par  cy  devant.  Le  troisiesme,  de  corriger  soigneusement  les  vices,  et  tenir  la  main  a  ce  que  les  scandalles  et  dissolutions  nayent  point  la  vogue,  tellement  que  le  nom  de  Dieu  en  soit  blaspheme.  Quant  au  premier  poinct,  ie  nentendz  point  vous  declairer  quelle  doctrine  doibt  avoir  lieu.  Plustost  ie  rendz  graces  a  nostre  bon  Dieu  quapres  vous  avoir  illumine  en  sa  pure  cognoissance,  il  vous  a  donne  conseil  et  discretion  pour  faire  que  sa  pure  verite  soit  preschee.  Ainsi  loue  soit  Dieu,  vous  nestes  pas  a  enseigner  quelle  est  la  vraye  foi  des  Chrestiens  et  la  doctrine  quilz  doibvent  tenir,  veu  que  par  vostre  moyen  la  vraye  purete  de  la  foy  est  restituee.  Cest  que  nous  tenions  Dieu  pour  le  seul  gouverneur  de  noz  ames,  que  nous  tenions  sa  loy  pour  la  seule  reigle  et  regime  spirituel  de  noz  consciences,  pour  ne  le  point  servir  selon  les  folles  inventions  des  hommes.  Item  que  selon  sa  nature,  il  veult  estre  servy  en  esprit  et  en  purete  de  coeur.  Daultre  part  que  congnoissans  quil  ny  a  que  toute  malheurete  en  nous,  et  que  nous  sommes  corrompuz  en  tous  noz  sens  et  affections,  tellement  que  cest  ung  abisme  diniquite  que  noz  ames,  estans  desesperez  en  nous,  ayant  aneanty  toute  presumption  de  nostre  sagesse,  dignite  ou  pouvoir  de  bien  faire,  nous  recourions  a  la  fontaine  de  tous'  biens  qui  est  Iesus  Christ,  recepvans  ce  quil  nous  donne,  asavoir  le  merite  de  sa  mort  et  passion,  afin  que  par  ce  moyen  nous  soyons  reconciliez  a  Dieu;  questans  lavez  de  son  sang,  nous  ne  craignions  point  que  noz  macules  nous  empeschent  de  trouver  grace  au  throsne  celeste;  questans  certains  que  noz  pechez  nous  sont  pardonnez  gratuitement  en  la  vertu  de  son  sacrifice,  nous  mettions  la  nostre  repos  et  appuy,  pour  estre  asseurez  de  nostre  salut;  que  nous  soyons  sanctifiez  par  son  Esprit,  pour  nous  consacrer  a  lobeissance  de  la  iustice  de  Dieu;  questans  fortifiez  par  sa  grace  nous  soyons  vaincqueurs  de  Sathan,  du  monde  et  de  la  chair;  finalement,  questans  membres  de  son  corps,  nous  ne  doubtions  point  que  Dieu  ne  nous  repute  de  ses  enfans,  et  que  nous  nayons  la  confiance  de  linvocquer  comme  nostre  pere;  que  nous  soyons  advertis  de  reduyre  a  ce  but  tout  ce  qui  se  dict  et  faict  en  lEglise;  cest  questans  retirez  du  monde  nous  soyons  eslevez  au  ciel  avec  nostre  chef  et  Sauveur.  Puis  donc  que  Dieu  vous  a  faict  la  grace  de  restablir  la  congnoissance  de  ceste  doctrine  qui  "avoit  este  si  longtemps  ensepvelye  par  lantechrist,  ie  me  deporte  de  vous  en  tenir  propos.  Ce  que  iay  touche  de  la  facon  denseigner,  est  seulement  que  le  peuple  soit  instruict  pour  estre  touche  au  vif,  et  quon  sente  ce  que  dict  1  Apostre,  que  la  Parolle  de  Dieu  est  ung  giayve  trenchant  5*