11:70  231.  MYCONIUS  VADIANO.  Hagenoensia  iam  satis  tristia,  tristiora  in  posterum  promittere  videntur.  (Ex  autographo  Bibi.  civic.  Sangallensis  MSS.  T.  33  (al.  IV".)  fol.  363.)  D.  Ioachimo  Vadian  o  Consuli  Sangallensi  prudentissimo,  domino  suo  in  Christo  colendo.  S.  Adversarii  quaerunt  omnibus  suis  consultationibus  ut  foedus  suum  faciant  quam  latissimum,  si  sic  queant  reformationem  evadere.  Hic  scopus  adversariorum.  Coacti  sunt  iidem  ut  adnuerint  colloquium:  rationem  scribere  per  temporis  brevitatem  non  licet.  Conditiones  autem  colloquii  tam  angustas  fecerunt  quam  possibile  fuit.  Conditionibus  adiecerunt  haec  duo:  prius,  ut  bona  ecclesiastica  restituantur  spoliatis,  vel  respondeatur  coram  camera,  vel  bona  illa  permittantur  ad  iudicandum  sequestribus;  posterius,  ne  curent  eos  nostri  qui  post  datam  pacem  Nurembergae  ad  se  accesserunt,  sive  iure  cum  eis  agatur,  sive  violentia,  item,  nec  eos  qui  ad  ipsos  possent  adhuc  accedere.  Posterius  hoc  urserunt  admodum  vehementer.  Responderunt  nostri  ad  articulum  priorem:  quod  neminem  iustum  possessorem  unquam  deposuerint;  bona  ecclesiastica  bona  ex  parte  sua  esse,  postquam  transtulerint  quo  iusserint  canones.  Si  quid  praeterea  a  quoquam  teneatur,  is  responsurus  sit  proximo  colloquio  in  quo  iudicari  debeat  ad  quemnam  bona  illa  pertineant,  et  quis  sit  verus  eorum  usus.  Petierunt  nostri  ut  interim  postulatio  de  restitutione,  de  camera  et  de  sequestratione  quiescat.  Ad  posteriorem  articulum  responderunt:  se  non  posse  reiicere  quem  Deus  vocet  etc.  Ad  haec  Hex  cum  deputatis  suis,  quia  solus  egit,  noluit  respondere,  sed  omnia  referre  ad  suos.  Id  quod  fecit,  sed  ita  ut  Coloniensis  et  e  principibus  quidam  petierint  ut  tota  sibi  actio  scribatur.  Quod  et  a  nostris  factum.  Regi  non  fiditur  quia  se  permittit  Fabro.  Colloquium  Hex  statuit  septimanis  decem  post  ultimum  horum  comitiorum  Wormatiam.  Hic  ubi  nostri  petierant  aliquot  hebdomadas  adiici,  invenerunt  rem  esse  longe  aliam  quam  verba  ferrent.  Putant  itaque  camerae  ius  pristinum  permissum  iri  contra  nos.  Deinde  omnem  curam  in  hoc  futuram,  ut  foedere  peraucto  in  nos  opprimamur.  Haec  vera  omnia,  nam  ex  Hagenoa  sunt.  Putassem  ex  Constantia  te  novisse  haec  iam  pridem.  Vale  cum  tuis  in  Domino,  et  parce  stilo  celerrimo.  Ursit  enim  me  tabellio.  Basileae,  3.  Augusti  anno  1540.  Os.  Myconius  tibi  devotus.