8:7  7  DE  SCANDALIS.  8  rans,  ')  bis  se  felicem  esse  clamaret,  quia  nuper  ex  maledicto  Babylonis  carcere  extracta,  [pag.  4]  iam  ex  misero  etiam  corporis  ergastulo  exitura  esset:  quum  ex  vivo  conscientiae  sensu  de  peccatis  suis,  de  aeternae  mortis  reatu,  de  tremendo  Dei  iudicio  non  muliebriter  disserens,  magnifice  Christi  gratiam  extolleret,  eamque  pari  humilitate  et  fiducia  velut  sacram  anchoram  amplecteretur.  Haec  verba  non  modo  clare  et  diserte,  sed  insolita  energia  inter  ultimos  anhelitus  fundentem  sic  me  audisse  recordor,  ut  spectacula  adhuc  interesse  videar.  Itaque,  quum  te  ex  adverso  intuerer,  in  domanda  animi  moestitia  praeclare  luctantem,  minus  iam  mirabar,  tot  talibusque  remediis  adiutum,  virum  esse  fortem  in  dolore.  Aliis  recitandis  supersedeo.  Hoc  tantum  dico:  quum  perplexum  ex  immensa  congerie  scandalorum  labyrinthum  tibi  fabricatus  esset  Satan,  sic  te  omnia  superasse,  ut  non  modo  idoneus  sis  aliis  monitor  et  hortator,  sed  etiam  ut  qui  paulo  sunt  molliores,  tuo  exemplo  animati,  novam  strenuitatem  merito  sumere  debeant.  Scilicet  arx  valde  munita  est,  aequabilis  animi  moderatio:  cuius  singulare  specimen  quum  aliis  in  rebus,  tum  in  hac  praebuisti,  quod  quum  in  patria  reliqueris  quae  alios  ad  ambitionem  rapiunt,  alios  suis  illecebris  affixos  tenent,  nullo  prorsus  eorum  desiderio  tangeris:  ut  te  non  minus  aequo  sedatoque  animo  illis  carere  appareat,  quam  facile  semel  renunciasti.  Huius  tuae  pietatis,  sicuti  ego  fructum  et  oblectationem  non  vulgarem  capio,  ita  non  mirum,  si  cupiam  ad  alios  partem  aliquam  pervenire.  Nam  qui  te  nuper,  quum  in  urbe  ex  qua  natus  sum,  regius  esses  praefectus,  et  civium  nostrorum  magister,2)  tanquam  procul  a  Christo  dissitum  gemebam:  nunc  ex  quo  totus  Christo  addictus  es,  vere  meum  esse  duco,  et  quasi  communi  ecclesiae  gremio  amplector.  Velim  tamen  ut  libellus  hic  etiam  apud  eos  quibus  ignotus  es,  qualecunque  sit  amoris  in  te  mei  documentum.  Pignus  enim  ipse  nullum  flagitas.s)  Multa  quidem  sunt  inter  nos  iustae  necessitudinis  vincula,  sed  nulla  sanguinis  est  propinquitas,  nulla  alia  coniunctio,  quae  amorem  nostrum  superet.  Adeoque  frater  unicus  te  sibi  aequari  non  aegre  patitur:  quod  mutuae  compensationis  vice  se  abs  te  peraeque  amari  sentit.  Porro  quod  multorum  votis  serius  prodit  liber,  utinam  veteri  proverbio,  quod  initio  libri  citavi,  legitime  excusare  possem:  Sat  cito,  si  sat  bene.  Sed  vereor,  ne  multos,  qui  partim  ex  argumenti  amplitudine,  partim  ex  longiore  mora,  magnum  sibi  nescio  quid  polliciti  sunt,  spei  suae  frustratio  magis  offendat:  quum  res  copia,  splendore,  vehementia  orationis,  totis  denique  eloquentiae  fulminibus  apprime  dignas,  concise,  humiliter  et  ieiune  perstringi  videbunt.  Quibus  ego  quid  respondeam,  non  habeo,  nisi  me  rationem  sequutum  esse,  quam  fore  optimam  arbitrabar.  In  quo,  ut  mihi  subscribant,  non  postulo:  modo  veniam  a  se  dissentienti  dare  non  recusent.  Vale  eximie  vir,  et  frater  mihi  in  Domino  coniunctissime.  Genevae,  VI.  Idus  Iulii,  meo  natali  die.  Anno  M.  D.  L.  1)  en  gemissant  pour  le  regret  qu'elle  avoit  de  s'estre  si  long  temps  tenue  en  l'idolatrie  Papale,  elle  s'escrioit  a  haute  voix:  O  que  ie  suis  heureuse  d'estre  sortie  de  ceste  maudite  captivite  de  Babylone  et  que  ie  vay  estre  delivree  de  ma  derniere  prison!  Helas,  que  seroit-ce,  si  i'estois  maintenant  a  Noyon  ou  ie  n'oseroye  ouvrir  la  bouche  pour  confesser  franchement  ma  foy:  encore  que  les  Prestres  et  Moynes  desgorgeassent  a  l'entour  de  moy  tous  leurs  blasphemes!  Et  icy  non  seulement  i'ay  liberte  de  donner  gloire  a  mon  Sauveur,  pour  venir  hardiment  devant  luy:  mais  i'y  suis  conduite  par  les  bonnes  exhortations  que  vous  me  faites  .  .  .  .  2)  Lieutenant  du  Eoy  a  Noyon  et  maire  de  la  ville.  3)  Add,  tant  en  estes  asseure.