54:7  7  SERMON  I  la  volonte  de  Dieu.  Car  (comme  dit  l'apostre  en  l'epistre  aux  Hebrieux)  nul  ne  se  doit  ingerer,  c'est  une  chose  trop  noble  et  trop  precieuse  de  gouverner  l'Eglise  de  Dieu,  pour  dire  que  les  hommes  prenent  ceste  hardiesse:  mais  il  y  a  Dieu  qui  s'est  reserve  cest  office  d'ordonner  ceux  que  bon  luy  semble.  Or  il  a  commence  a,  Iesus  Christ,  afin  qu'en  luy  nous  ayons  comme  un  patron  general.  Combien  qu'a  nostre  Seigneur  Iesus  appartient  toute  maieste  et  empire,  si  est-ce  qu'il  a  voulu  encores  estre  depute  de  Dieu  son  Pere  avec  serment  solennel.  Pourquoy?  Il  nous  est  comme  un  miroir,  que  les  choses  ne  se  doivent  point  faire  confusement  en  l'Eglise  de  Dieu,  mais  que  chacun  doit  attendre  sa  vocation.  Et  notamment  sainct  Paul  parle  ici  de  la  volonte  de  Dieu.  Car  combien  que  les  hommes  quelques  fois  eliront  (comme  Dieu  a  voulu  que  la  police  soit  gardee),  toutesfois  si  esf-ce  que  Dieu  gouverne  tousiours  quand  les  choses  sont  bien  conduites.  Vray  est  qu'il  y  a  eu  une  consideration  propre  en  l'office  d'apostre:  car  il  a  falu  que  Dieu  parlast  comme  en  personne.  Mais  quand  il  est  question  de  tous  les  prescheurs,  et  du  regime  ordinaire  de  l'Eglise,  cela  doit  avoir  lieu  que  tous  parvienent  a  ce  degre  d'office  par  la  volonte  de  Dieu,  que  son  nom  soit  invoque,  afin  qu'il  preside  au  conseil,  que  celuy  qui  sera  appele,  ait  tesmoignage  que  ce  n'est  point  du  coste  des  hommes,  que  ce  n'est  point  par  son  ambition  ne  par  autre  mauvaise  prattique.  Nous  voyons  donc  en  somme  que  sainct  Paul  a  voulu  ici  monstrer  qu'il  n'est  pas  en  chacun  de  s'avancer,  mais  que  Dieu  nous  doit  tendre  la  main,  qu'il  ait  bon  ordre  en  l'Eglise,  et  que  les  choses  ne  soyent  point  confuses.  Et  cependant  il  reserve  tousiours  a  Dieu  son  droit,  afin  qu'on  cognoisse  qu'il  n'a  point  resigne  son  empire,  mais  qu'il  veut  que  les  siens  luy  soyent  suiets.  Et  en  cela  voit-on  aussi  une  amour  singuliere  quil  nous  porte.  Car  quand  il  dispose  selon  sa  volonte  les  estats  en  son  Eglise,  c'est  signe  qu'il  y  est  present,  et  qu'il  veille  dessus.  Quand  nous  voyons  un  tel  soin  que  Dieu  a  de  nous,  et  que  c'est  luy  qui  nous  pourvoit  de  pasteurs,  que  c'est  luy  qui  les  choisit,  en  cela  (di-ie)  nous  sommes  tant  plus  admonestez  d'une  bonte  infinie  qu'il  nous  monstre,  et  avons  dequoy  nous  consoler,  magnificans  ceste  bonte  paternelle  qui  nous  est  ici  testifiee.  Or  cependant  il  y  a  aussi  un  autre  poinct,  c'est  que  sainct  Paul  magnifie  ici  la  seule  grace  de  Dieu,  sans  alleguer  ses  merites,  sans  dire  qu'il  ait  desservi  cest  honneur.  Car  quand  il  parle  de  la  volonte  de  Dieu,  il  y  a  comme  une  comparaison  tacite  entre  une  election  gratuite  que  Dieu  fait  de  nous,  et  entre  les  merites  que  nous  pourrions  apporter,  comme  il  semble.  Les  hommes  voudroyent  bien  tousiours  estre  reputez  assez  habiles,  et  qu'on  imaginast  quelque