53:7  7  SERMON  I  Cependant  il  ne  dit  pas  simplement  qu'il  est  Apostre,  mais  il  dit,  de  nostre  Seigneur  Iesus  Christ^  voire  pource  que  celuy-la  nous  a  este  ordonne  de  Dieu  son  Pere  comme  souverain  docteur,  voire  unique.  Tous  ceux  donc  qui  se  meslent  d'enseigner,  il  faut  que  ils  parlent  au  nom  de  nostre  Seigneur  Iesus  Christ:  car  c'est  de  luy  seul  qu'il  est  dit,  Escoutez-le.  Quand  ceste  voix  a  este  ouye  du  ciel,  qu'il  faut  escouter  Iesus  Christ,  c'a  este  pour  clorre  la  bouche  a  toutes  creatures,  que  nul  ne  presume  d'avancer  ce  qu'il  aura  forge  en  son  cerveau,  que  nul  ne  pretende  d'estre  maistre  ou  docteur.  Car  il  faut  que  cela  soit  reserve  au  Fils  de  Dieu.  Que  reste-il  donc?  Que  tous  ceux  qui  enseignent  puissent  protester  en  verite  que  Iesus  Christ  parle  par  leur  bouche,  comme  S.  Paul  aussi  de  dit  en  un  autre  passage,  Demandez-vous  approbation  de  celuy  qui  parle  en  moy?  c'est  ascavoir  le  Seigneur  Iesus,  dit-il.  Voila  donc  pourquoy  notamment  il  declare  qu'il  est  Apostre  de  Iesus  Christ,  c'est  a  dire  envoye  de  luy,  ayant  commission  de  parler  comme  en  sa  propre  personne:  et  dit  que  cela  s'est  fait  par  V  ordonnance  de  Dieu  et  de  nostre  Seigneur  lesus  Christ.  En  quoy  il  signifie  que  ce  n'est  point  aux  hommes  de  s'ingerer:  comme  aussi  il  est  dit  en  l'Epistre  aux  Hebrieux  que  nul  ne  doit  usurper  l'honneur  a  soy,  mais  celuy  qui  est  appele  de  Dieu,  que  celuy-la  pourra  dire  qu'il  a  charge  legitime.  Et  de  faict,  il  a  falu  que  Iesus  Christ  mesme,  qui  est  maistre  en  la  maison  et  chef  par  dessus  tous,  que  celuy-la  ait  este  ordonne  de  Dieu  son  Pere,  voire  avec  serment  solennel,  comme  nous  voyons  au  Pse.  110.  Que  sera-ce  donc  de  ceux  qui  sont  bien  inferieurs  a  luy,  et  qui  n'ont  nulle  authorite,  sinon  celle  qu'il  leur  donne?  Or  S.  Paul  pouvoit  dire  qu'il  estoit  constitue  Apostre  selon  l'ordonnance  de  Dieu,  pource  qu'il  y  avoit  eu  vocation  du  ciel  avec  miracle:  mais  cela  ne  se  fait  pas  en  tous.  Quoy  donc?  Dieu  afin  que  rien  ne  se  feist  en  confus,  mais  que  tout  allast  par  bon  ordre  en  son  Eglise,  a  establi  un  tel  moyen,  et  donne  charge  et  commission  a  ceux  desquels  il  se  vouloit  servir  pour  porter  sa  Parole,  c'est  que  ils  seroyent  eius  et  approuvez.  Quand  donc  cest  ordre  sera  ainsi  garde,  comme  les  Apostres  nous  l'ont  monstre,  voila  une  vocation  legitime,  et  que  Dieu  veut  estre  recognue  comme  de  luy.  Quant  a  ce  que  S.  Paul  et  les  autres  Apostres  ont  este  ordonnez  par  un  moyen  special,  cela  estoit  pource  qu'ils  estoyent  envoyez,  afin  de  mettre  Iesus  Christ  en  possession  de  son  royaume.  Mais  depuis  que  ce  fondement  a  este  mis,  Dieu  a  voulu  que  ceux  qui  devoyent  anoncer  l'Evangile,  fussent  eleus  et  approuvez,  et  veut  qu'on  se  contente  de  cela,  comme  l'Escriture  le  monstre  en  d'autres  passages.  Tant  y  a  que  nous  devons  observer  deux  choses  en  tous  ceux  qui  annoncent  la  parole  de