51:7  7  SERMONS  plus  grande  iniure  et  outrage  a  Dieu  que  de  nous  assuiettir  a  l'appetit  des  hommes,  en  destournant  sa  parole  ou  a  dextre  ou  a  gauche.  Gar  il  n'est  pas  question  aussi  de  quitter  du  nostre:  mais  il  faut  maintenir  constamment  la  verite  de  Dieu  qui  est  immuable,  et  laquelle  ne  doit  nullement  changer,  combien  que  les  hommes  varient  et  soyent  inconstans.  Or  ceci  est  bien  a  noter  d'autant  que  la  pluspart,  encores  qu'ils  ayent  quelque  bonne  affection  de  faire  que  Dieu  soit  cognu,  et  que  sa  verite  soit  preschee  comme  il  appartient,  toutesfois  ils  plieront  souvent,  voyans  les  reproches  qu'on  leur  fera,  oyans  les  murmures,  et  qu'on  se  despitera  contre  eux:  et  quelquefois  aussi  il  y  aura  les  grandes  esmutes,  qu'il  semblera  que  tout  doive  abysmer.  Or  si  nous  maintenons  la  querelle  de  Dieu  comme  il  appartient,  les  calomniateurs  auront  tantost  en  la  bouche  que  nous  sommes  opiniastres.  Comme  auiourd'huy  les  Papistes  nous  accusent  en  premier  lieu  de  grande  temerite,  que  nous  voulons  corriger  tous  les  estats  du  monde,  et  que  nous  cuidons  estre  plus  sages,  nous  qui  ne  sommes  qu'une  poignee  de  gens  au  pris  d'une  si  grande  multitude:  voire  de  gens  exercez,  qui  ont  tant  veu,  qui  sont  en  si  grande  estime  et  reputation:  et  puis  que  nous  sommes  trop  chagrins,  voire  et  trop  audacieux  quand  nous  voulons  que  tout  le  monde  passe  pardessous  le  baston,  et  que  nous  ne  cerchons  autre  chose  que  de  surmonter,  et  qu'un  chacun  s'humilie.  Voila  donc  comme  nous  sommes  diffamez  a  tort:  quand  il  nous  faut  humer  ceste  opprobre-la  plustost  que  de  rien  quitter.  Pourquoy?  Il  n'est  pas  question  ici  de  faire  un  appointement  comme  entre  les  hommes.  Car  si  deux  parties  debatent  de  quelque  somme  d'argent  ou  d'un  heritage,  on  pourra  retrancher  et  d'un  coste  et  d'autre,  tellement  que  la  paix  sera  tantost  faite:  mais  quand  nous  accorderons  a  ceux  qui  sont  ennemis  de  Dieu  ce  qu'ils  demandent,  voire  au  preiudice  de  celuy  qui  veut  que  son  droit  soit  pleinement  maintenu  (comme  aussi  c'est  bien  la  raison),  que  sera-ce?  Tant  plus  donc  nous  faut-il  bien  noter  ceste  doctrine  quand  sainct  Paul  nous  monstre  que  pour  servir  a  Dieu  il  ne  nous  faut  point  fuir  ni  molestes,  ni  picques,  ni  murmures,  ni  reproches,  ni  rien  qui  soit:  et  mesmes  quand  il  sera  question  d'y  exposer  nostre  vie,  qu'il  nous  faut  passer  par  la.  Et  s'il  y  a  trop  grande  fragilite  en  nous,  cognoissons  que  Dieu  nous  appelle  a  soy,  et  c'est  luy  qui  peut  remedier  a  toutes  nos  faiblesses,  et  nous  donner  une  vertu  suffisante  pour  tenir  bon  iusques  a  l'extremite.  Quoy  qu'il  en  soit,  si  ne  faut-il  pas  (puis  qu'il  nous  employe  a  son  service,  nous  qui  ne  valons  rien)  que  nous  luy  facions  ce  deshonneur  de  I'as8uiettir  a  l'appetit  des  hommes,  voila  donc  ce  que  nous  avons  a  retenir  en  premier  lieu.