49:7  7  CAPUT  I.  1.  Paulus  servus  Iesu  Christi,  vocatus  apostolus,  selectus  in  evangelium  Dei,  2.  quod  ante  promiserat  per  prophetas  suos  in  scripturis  sanctis  3.  de  filio  suo,  qui  factus  est  e  semine  David  secundum  carnem,  4.  declaratus  filius  Dei  in  potentia,  per  spiritum  sanctificationis,  ex  resurrectione  mortuorum,  Iesu  Christo  domino  nostro:  5.  per  quem  accepimus  gratiam  et  apostolatum  in  obedientiam  fidei  inter  omnes  gentes,  pro  nomine  ipsius,  6.  inter  quas  estis  etiam  vos,  vocati  Iesu  Christi:  7.  omnibus  qui  Bomae  estis,  dilectis  Deo,  vocatis  sanctis:  gratia  vobis,  et  pax  a  Deo  patre  nostro,  et  Domino  Iesu  Christo��  1.  Paulus.  De  nomine  Pauli  subiicerem  prorsus:  quando  res  non  eius  est  momenti  quae  diu  nos  morari  debeat:  et  nihil  afferri  potest  quod  non  sit  apud  alios  interpretes  decantatum  :  nisi  et  levi  opera  satisfacere  aliis  liceret,  sine  magno  aliorum  fastidio:  brevibus  enim  perstringetur  haec  quaestio.  Qui  nomen  hoc  apostolum  sibi  adscivisse  putant  tanquam  trophaeum  subiugati  Christo  Sergii  proconsulis,  a  Luca  (Act.  13,  7.  9)  ipso  confutantur,  qui  ante  illud  tempus  ita  fuisse  vocatum  ostendit.  Nec  mihi  fit  verisimile,  fuisse  illi  inditum  ex  quo  Christo  nomen  dedit.  Quod  Augustino  placuisse  hoc  tantum  nomine  puto,  ut  argute  philosophandi  occasionem  arriperet,  dum  ex  superbo  Saule  parvulum  Christi  discipulum  factum  disserit.  Probabilior  Origenis  sententia,  qui  binomium  fuisse  iudicat.  Non  enim  a  specie  veri  abhorret,  nomen  Saulis  gentilitium  illi  a  parentibus  fuisse  impositum,  quod  religionem  et  genus  indicaret:  superadditum  alterum  Pauli,  quod  ius  romanae  civitatis  testaretur:  quod  scilicet  neque  hunc  honorem,  qui  tunc  magno  aestimabatur,  obscurari  in  ipso  vellent:  neque  tanti  ducerent  ut  israelitici  generis  notam  induceret.  Pauli  vero  nomen  frequentius  in  Epistolis  ideo  forte  usurpavit,  quod  apud  ecclesias  quibus  scribebat  magis  erat  celebre  et  usitatum,  magis  gratiosum  in  romano  imperio,  in  eius  cognatione  minus  cognitum.  Neque  enim  illi  negligendum  fuit,  ut  supervacuam  suspicionem  fugeret  et  odium,  quo  tunc  iudaicum  nomen  laborabat  apud  romanos  et  provinciales:  atque  a  rabie  suorum  inflammanda  abstineret  sibique  caveret.