48:7  7  IN  ACTA  APOSTOLORUM  symbolum  fuit  occultae  gratiae,  quam  assidue  suis  inspirat  Dominus,  congruenter  ad  eam  accommodat  Ioannis  testimonium.  Et  certe  fuit  ille  quasi  totius  ecclesiae  communis  baptismus.  Praeterquam  enim  quod  non  sibi  privatim,  sed  in  usum  omnium  fidelium  spiritum  receperunt  apostoli,  illic  quasi  in  speculo  ostensa  fuit  universalis  Christi  erga  suam  ecclesiam  gratia,  dum  pleno  cornu,  ut  aiunt,  spiritus  sui  dona  effudit.  Tametsi  igitur  quotidie  electos  patris  sui  baptisat  Christus,  non  tamen  hoc  obstat,  quominus  rite  hoc  prae  aliis  memorabile  specimen  protulerit:  ut  scirent  apostoli,  tantum  se  inchoatos  fuisse  a  Ioanne:  neque  id  frustra,  quum  perfectio  instaret.  Quod  autem  ex  hoc  loco  et  similibus  vulgo  colligunt,  diversum  fuisse  Ioannis  baptismum  a  Christi  baptismo,  frivolum  est.  Neque  enim  hic  de  baptismo  disputatur:  sed  comparatio  fit  duntaxat  utriusque  personae.  Quum  dicebat  Ioannes,  se  aqua  baptisare,  non  tractabat  qualis  suus  baptismus  esset:  sed  quisnam  esset  ipse:  ne  quod  proprium  erat  Christi  sibi  arrogaret.  Quemadmodum  hodie  ministris  non  aliter  loqui  de  se  fas  esset  quam  ut  Christo  laudem  omnium  concedant  quae  in  baptismo  figurantur:  sibi  nihil  reliquum  faciant  praeter  externam  administrationem.  Nam  quum  baptismo  tribuuntur  haec  elogia,  quod  sit  lavacrum  regenerationis,  a  peccatis  ablutio,  societas  mortis  et  sepulturae  cum  Christo,  et  insitio  in  eius  corpus,  iis  non  praedicatur  quid  homo  externi  signi  minister  efficiat,  sed  potius  quid  ipse  Christus,  qui  solus  dat  signis  efficaciam.  Haec  distinctio  semper  retinenda  eat,  ne  homines  nimium  ornando  Christum  spoliemus.  Quaeritur  tamen,  cur  Ioannem  potius  quam  alium  quempiam  hic  nominet.  Primum,  satis  liquet,  quod  Ioannes  se  aquae  ministrum  professus  fuerit,  Christum  vero  spiritualis  baptismi  autorem.  Nempe  quia  ipsum  minui,  Christum  vero  crescere  oportebat.  Atqui,  inter  apostolos  tanta  adhuc  vigebat  reverentia  Ioannis,  ut  posset  Christi  gloriam  nonnihil  obscurare.  Ergo  Christus,  ut  ad  se  unum  revocet,  tantum  externo  baptismo  a  Ioanne  initiatos  fuisse  commemorat:  simul  tamen  eos  confirmat,  ne  de  promissione  dubitent.  Multum  enim  Ioanni  deferebant:  ideo  persuasi  erant  non  inanem  esse  baptismum,  quem  receperant  ex  eius  manu.  Iam  si  eius  efficacia  et  veritas  a  Christo  exspectanda  est,  certo  debent  sperare  apostoli,  completum  iri  quod  Ioannes  figuravit.  Sic  nos  statuere  debemus,  non  frustra  hominis  manu  nos  fuisse  aqua  baptisatos:  quia  Christus,  qui  id  fieri  mandavit,  partes  suas  peraget,  ut  nos  baptiset  spiritu.  Sic  fides  ab  externo  signo  consequentiam  ducit  ad  interiorem  effectum  :  neque  tamen  interea  vel  signo,  vel  ministro  plusquam  par  est,  tribuit:  quia  in  signo  promissionem  intuetur  quae  Christi  est,  et  eundem  solum  agnoscit  gratiae  autorem.  Tale  ergo  temperamen-