46:7  7  HARMONIE  EVANGELIQUE.  8  nous  confessions  que  tout  cela  est  bon  et  vray,  mais  que  nous  en  soyons  touchez  au  vif,  et  qu'en  vertu  de  ceste  certitude  nous  puissions  batailler  contre  Satan,  et  contre  toutes  les  tentations  qu'il  nous  dresse.  Voyla  donc  comme  nostre  foy  doit  emporter  une  pleine  asseurance,  afin  que  nous  ne  soyons  point  en  doute.  Or  maintenant  qu'on  regarde  comme  un  chacun  est  bien  fonde  en  l'Evangile,  et  on  trouvera  qu'il  n'y  a  qu'infidelite  au  monde:  ie  di  mesmes  entre  ceux  qui  se  vantent  fort  et  ferme  d'estre  Chrestiens.  Car  combien  en  trouverons  -  nous,  quand  le  diable  les  sollicite  a  desespoir,  qu'ils  ont  des  tentations  et  scandales  qui  les  troublent,  lesquels  demeurent  fermes  et  victorieux,  pour  dire,  Si  est-ce  qui  ie  me  tiendray  a  la  parole  de  mon  Dieu?  A  grand'  peine  en  trouveraon  de  cent  l'un.  Car  comme  la  foy  est  une  chose  bien  rare,  aussi  est-elle  si  precieuse,  que  bien  peu  de  gens  peuvent  protester  qu'ils  l'ayent.  Et  d'autant  plus  avons-nous  a  sonder  tout  le  profond  de  nos  pensees  et  affections.  Et  quand  nous  trouverons  que  nous  ne  sommes  pas  asseurez,  comme  il  est  requis,  en  la  parole,  nons  devons  prier  Dieu  qu'il  nous  purge  de  toutes  les  corruptions  qui  sont  en  nous,  et  qu'il  nous  illumine  de  plus  en  plus.  Et  s'il  nous  a  donne  quelque  goutte  de  clarte,  qu'il  l'augmente,  qu'il  dresse  nos  coeurs  du  tout  a  luy,  qu'il  les  recueille  en  sorte  que  nous  portions  une  vraye  reverence  a  sa  parole,  que  nous  soyons  la  retenus,  que  nous  soyons  bridez,  et  tenus  captifs  sous  icelle,  pour  renoncer  a  toutes  choses  qui  nous  en  pourroyent  destourner.  Ainsi  donc  iamais  nous  ne  profiterons  en  la  Chrestiente,  ni  en  la  pure  religion,  que  nous  ne  cognoissions  qu'il  nous  faut  avoir  ceste  certitude,  c'est  a  dire  qu'il  ne  nous  faut  point  varier,  ni  avoir  une  opinion  douteuse,  pour  seulement  branler  les  oreilles  :  mais  que  nous  ayons  un  arrest,  et  une  conclusion,  que  c'est  a  Dieu  que  nous  devons  croire,  et  que  sa  parole  est  une  pure  verite,  et  infallible,  et  qu'il  ne  nous  faut  point  decliner  d'icelle:  et  quand  il  a  parle,  que  cela  nous  doit  suffire,  et  qu'il  n'y  a  point  de  replique  a  l'encontre.  Or  maintenant  pource  que  Dieu  ne  descend  pas  du  ciel  pour  nous  testifier  de  sa  volonte,  et  que  nous  n'avons  pas  chacun  iour  quelque  miracle,  ou  quelque  signe  pour  nous  donner  approbation  que  c'est  luy  qui  parle,  voyla  pourquoy  notamment  S.  Luc,  pour  nous  mener  a  ceste  certitude,  dit  que  les  Apostres  ont  este  ministres.  Il  est  vray  qu'entant  que  besoin  estoit,  Dieu  a  ratifie  sa  parole,  et  qu'il  a  imprime  les  marques  de  sa  maieste  en  icelle,  afin  qu'il  fust  la  cognu  et  adore.  Car  quand  il  s'est  revele  aux  Peres  anciens,  il  est  certain  qu'ils  ont  eu  des  visions  manifestes,  et  nous  ont  este  tesmoins,  depuis  Adam  iusques  a  Noe,  depuis  Noe  iusques  a