45:7  7  HAEMONIA  EVANGELICA.  autoritatem  vindicans  fidem  abrogat  aliis  diversa  tradentibus.  Inter  nos  tantundem  valet  atque  apud  nos.  Sed  videtur  fidem  in  hominum  relatu  parum  solide  fundare,  quae  in  solum  Dei  verbum  recumbere  debeat,  et  certe  fidei  izlripoyopiot  spiritus  obsignationi  tribuitur.  Respondeo,  fidem,  nisi  priores  partes  teneat  Dei  autoritas,  nullis  quidem  hominum  testimoniis  fore  contentam:  ubi  tamen  praecessit  interior  spiritus  confirmatio,  illis  quoque  in  historica  rerum  notitia  locum  aliquem  dare.  Historicam  voco  notitiam,  quam  de  rebus  gestis  vel  ex  proprio  intuitu,  vel  ex  aliorum  sermone  concipimus.  Nam  de  manifestis  Dei  operibus  non  minus  audiendi  sunt  oculati  testes  quam  experientiae  credendum  est.  Adde  quod  Lucas  non  privatos  sequitur  autores,  sed  qui  sermonis  etiam  fuerunt  ministri.  Quo  elogio  supra  humanae  autoritatis  gradum  eos  extollit:  significat  enim,  de  evangelio  sibi  testatos  esse,  quibus  divinitus  eius  publicandi  commissa  erat  provincia.  Hinc  etiam  illa  securitas,  cuius  paulo  post  meminit,  quae  nisi  Deo  nitatur,  poterit  subinde  inquietari.  Magnum  ergo  pondus  habet,  quod  ministros  sermonis  vocat,  a  quibus  accepit  suum  evangelium,  quia  inde  colligunt  fideles,  testes  esse  omni  exceptione  maiores,  ut  loquuntur  iureconsulti,  et  quos  repudiare  fas  non  sit.  Erasmus  (qui  ex  Vergilio  mutuatus  est  quod  transtulit,  partem  aliquam  fuisse)  non  satis  expendit,  quanti  aestimanda  esset  Dei  vocatio,  aut  quid  valeret.  Non  enim  profano  more  loquitur  Lucas,  sed  ad  Christi  mandatum  in  persona  sui  Theophili  respicere  nos  iubet,  ut  Dei  filium  reverenter  audiamus  per  suos  apostolus  loquentem.  Magnum  est,  quod  spectatores  fuisse  dicit:  sed  ministros  vocando  eos  eximit  a  communi  hominum  ordine,  ut  fides  nostra  suam  in  coelo  fulturam  habeat,  non  in  terra.  Hoc  autem  sibi  vult  in  summa  Lucas,  ut  literis  fideliter  consignatum  habens,  quod  didiceras  antehac  viva  voce,  securius  acquiescas  in  recepta  doctrina.  (  Unde  apparet,  modis  omnibus  promissum  fuisse  a  Deo,  ne  ex  dubiis  hominum  sermonibus  suspensa  fides  nostra  fluctuaret,  f  Quo  minus  excusabilis  est  mundi  ingratitudo,  qui  vagos  et  temere  sparsos  rumores,  in  quibus  alternet,  quasi  ex  professo  appetens  tantum  Dei  beneficium  respuit.  Nos  vero  teneamus  insigne  discrimen  quod  Dominus  interposuit,  ne  fatua  credulitas  pro  fide  se  venditet.  Interea  mundum  sinamus,  ut  dignus  est,  stultae  curiositatis  illecebris  inescatum  Satanae  fallaciis,  imo  praestigiis  ultro  se  addicere.  3.  Omnibus  exacte  pervestigatis.  Vetus  interpres  habet,  omnia  assequuto.  Et  verbum  graecum  metaphorice  ab  iis  deductuin  est,  qui  vestigiis  insistunt,  ne  quid  ipsos  fugiat.  Sedulum  ergo  sciscitandi  studium  exprimere  voluit  Lucas,  quemadmodum  eodem  verbo  utitur  Demosthenes,  dum  in