4:7  1  INSTITUTION  CHRESTIENNE.  8  l'Escriture  tou  chant  sa  vertu  et  operation,  se  rapporte  a  icelle  foy,  par  laquelle  il  nous  amene  a  la  clarte  de  l'Evangile:  comme  dit  sainct  Iean,1)  que  ceste  dignite  est  donnee  a  tous  ceux  qui  croyent  en  Christ,  d'estre  faits  enfans  de  Dieu,  lesquels  ne  sont  point  naiz  de  chair  et  de  sang,  mais  de  Dieu  (Iean  1,  13).  Car  en  opposant  Dieu  a  la  chair  et  au  sang,  il  monstre  que  c'est  un  don  celeste  et  supernaturel,  que  les  esleuz  recoyvent  Iesus  Christ  par  foy,  lesquels  autrement  demoureroyent  adonnez  a  leur  incredulite.  La  response  que  fit  Iesus  Christ  a  Pierre,  convient  a  cecy:  La  chair  et  le  sang  ne  le  font  point  revele,  mais  mon  Pere  qui  est  au  ciel  (Matth.  16,  17).  I'attouche  brievement  ces  choses,  pource  qu'elles  ont  este  deduites  ailleurs  tout  au  long.2)  Le  dire  aussi  de  sainct  Paul  s'accorde  tresbien  a  ce  propos:  c'est  que  les  fideles3)  sont  seellez  ou  cachetez  du  sainct  Esprit  de  la  promesse  (Ephes.  I,  13).  Car  il  signifie  qu'il  est  le  maistre  interieur,  par  le  moyen  duquel  la  promesse  de  salut  entre  en  nous,  et  transperce  nos  ames:  et  qu'autrement  elle  ne  feroit  que  batre  l'air,  ou  sonner  a  noz  oreilles.  Pareillement  quand  il  dit  que  les  Thessaloniciens  ont  este  esleuz  de  Dieu  en  sanctification  de  l'Esprit,  et  en  la  foy  de  la  verite  (2  Thess.  2,  13):  par  un  tel  fil  et  conionction  il  nous  advertit  que  la  foy  ne  peut  parvenir4)  d'ailleurs  que  de  l'Esprit;  ce  que  sainct  Iean  explique  ailleurs  plus  ouvertement,  parlant  ainsi:  Nous  savons  qu'il  demeure  en  nous  par  l'Esprit  qu'il  nous  a  donne.  Item,  Voycy  dont  nous  savons  que  nous  demeurons  en  luy,  et  luy  en  nous:  c'est  qu'il  nous  a  donne  de  son  Esprit  (1  Iean  3,  24;  4,  13).  Parquoy  le  Seigneur  Iesus  pour  rendre  ses  disciples  capables  de  la  sagesse  celeste,  leur  promet  l'Esprit  de  verite,  lequel  le  monde  ne  peut  comprendre  (Iean  14,  17):  et  luy  attribue  cest  office  comme  propre,  de  leur  suggerer  et  faire  cognoistreo)  ce  qu'il  leur  avoit  desia  enseigne  :6)  comme  aussi  de  fait  la  clarte  se  presenteroit  en  vain  aux  aveugles,  si  cest  Esprit  d'intelligence  n'oiivroit  les  yeux  de  l'entendement:  en  sorte  qu'a  iuste  cause  on  le  peut  appeller  La  clef,  par  laquelle  les  tresors  du  royaume  des  cieux  nous  sont  ouverts:  et  son  illumination  peut  estre  nommee  La  veue  de  nos  ames.  Voila  pourquoy  sainct  Paul  magnifie  tant  le  ministere  de  l'Esprit  (2  Cor.  3,  6.8)  :  ce  qui7)  vaut  autant  a  dire  comme  la  predication  ayant  avec  soy  la  vivacite  spirituelle:  pource  que  les  Docteurs  ne  pro-  1)  1560  ajoute  Baptiste,  erreur  qui  est  corrigee  des  1561.  La  meme  faute  se  trouve  dans  le  texte  latin.  2)  V.  Livr.  I.  ch.  13.  §.  14  et  15  et  suiv.  3)  les  fideles,  le  latin  dit:  Ephesios.  4)  1562:  provenir.  5)  et  faire  cognoistre,  n'est  pas  dans  le  latin.  6)  Le  latin  ajoute:  ore.  7)  ce  qui  .  .  .  .  spirituelle,  ne  se  trouve  pas  dans  le  latin.