35:7  7  SERMON  CXIX  8  pistes  s'en  vont  a  l'esgaree,  et  ne  savent  que  c'est  qu'ils  font.  Et  pourquoy?  Car  Dieu  les  a  abandonnez,  comme  ils  en  sont  dignes,  il  faut  que  sa  vengeance  soit  comme  un  deluge  qui  les  couvre,  et  qui  les  mette  en  perdition,  puis  qu'ils  ont  mis  en  oubli  la  verite.  Or  de  nostre  part  nous  avons  Iesus  Christ  qui  est  le  soleil  de  iustice  lequel  luit  sur  nous:  il  ne  faut  point  donc  que  nous  ayons  icy  les  yeux  clos,  mais  cheminons  pendant  que  le  iour  nous  dure,  suivons  l'exhortation  qui  nous  est  faite,  et  que  nous  ne  soyons  point  coulpables  d'avoir  efface  a  nostre  escient  la  cognoissance  qui  nous  est  auiourd'huy  donnee.  Voila  donc  ce  que  nous  avons  a  retenir  en  premier  lieu  de  ce  passage.  Or  quant  au  courroux  d'EMu,  notons  qu'il  n'est  pas  icy  blasme  comme  d'une  passion  exorbitante:  mais  c'est  une  indignation  bonne  et  louable,  d'autant  qu'elle  procede  d'un  zele  qu'Eliu  avoit  envers  la  verite  de  Dieu,  voyant  Iob  qui  se  veut  iustifier  en  sorte  qu'il  s'estime  iuste  par  dessus  Dieu.%  Les  amis  de  Iob  n'avoyent  point  ceste  cognoissanee-la  :  car  ils  debatoyent  contre  luy,  qu'il  estoit  un  meschant:  Iob  declare  que  non,  et  la  verite  est  telle,  mais  (comme  nous  avons  dit)  il  excede  de  mesure,  et  combien  que  sa  cause  soit  bonne,  il  la  gouverne  mal,  et  a  pris  une  mauvaise  procedure.  Eliu  donc  regarde  a  ce  que  Iob  s'estoit  par  trop  desborde,  et  qu'il  a  quelquefois  murmure  par  impatience:  et  en  cela  il  s'est  voulu  faire  iuste  par  dessus  Dieu.  Et  puis  il  se  fasche  contre  ceux  qui  entrepenent  une  mauvaise  cause  a  la  volee  et  n'en  peuvent  venir  a  bout,  et  demeurent  la  confondus  quand  ce  vient  au  besoin.  Voicy  donc  Eliu  qui  est  enflamme  d'ire,  mais  ce  n'est  pas  sans  cause.  D'autant  donc  que  son  zele  est  bon,  voyla  pourquoy  le  S.  Esprit  approuve  l'ire  et  le  courroux  qui  a  este  en  luy.  Or  cependant  il  nous  faut  noter  ce  mot  que  Iob  s'est  voulu  iustifier  par  dessus  Dieu.  Vray  est  que  son  intention  n'a  pas  este  telle,  'et  il  eust  mieux  aime  cent  fois  que  la  terre  l'eust  englouti,  ou  n'avoir  iamais  este  nay  au  monde,  que  d'avoir  pense  un  tel  blaspheme.  Et  defait,  nous  avons  dit,  toutes  fois  et  quantes  qu'il  s'est  desborde,  que  ce  n'a  pas  este  pour  faire  une  conclusion,  mais  il  a  iette  ses  bouillons:  comme  il  est  difficile  aux  hommes  de  se  retenir,  qu'il  ne  leur  eschappe  beaucoup  de  passions  souventesfois.  Voila  comme  Iob  en  a  este:  et  aussi  en  la  fin  tousiours  il  s'est  condamne:  et  s'il  y  avoit  de  la  faute,  ii  ne  l'a  point  voulu  excuser.  Comment  donc  est-il  dit,  qu'il  s'est  voulu  iustifier  par  dessus  Dieu?  Or  ce  mot  contient  une  bonne  doctrine  et  bien  utile  :  car  nous  sommes  icy  enseignez,  qu'en  n'y  pensant  point  noua  pourrions  souvent  blasphemer  Dieu.  Et  en  quelle  sorte?  Contestans  contre  luy.  Si  nous  ne  trouvons  bon  tout  ce  que  Dieu  fait,  voire  sur  tout  quand  il  nous  afflige,  il