34:7  7  SERMON  LXII  8  (comme  i'ay  desia  dit)  qu'un  chacun  de  nous  regarde  a  soy  de  pres.  Or  il  s'ensuit  en  Iob:  Que  si  ses  amis  estoient  en  son  estat,  il  pourroit  parler  comme  eux,  et  leur  tenir  compagnie  en  propos,  contester  avec  eux,  et  hocher  la  teste  contr'eux.  Vrai  est  qu'aucuns  exposent  ce  passage,  que  Iob  ne  voudroit  point  leur  rendre  la  pareille  s'il  les  voyoit  ainsi  molestez,  qu'il  tascheroit  plustost  d'adoucir  leurs  maux,  et  de  leur  apporter  quelque  allegement,  que  de  leur  augmenter  leur  tristesse,  comme  ils  le  font  envers  lui:  ainsi  que  nous  avons  veu  leur  cruaute,  qu'il  n'estoit  question  que  de  mettre  ce  sainct  personnage  en  desespoir,  sinon  que  Dieu  l'eust  soustenu.  Ceux  qui  prenent  ainsi  ce  passage,  sont  esmeus  de  ceste  raison:  que  ce  ne  seroit  point  chose  decente,  que  Iob  se  voulust  venger,  quand  Dieu  auroit  retire  sa  main  de  lui:  et  quand  il  seroit  a  son  aise,  qu'il  se  voulust  mocquer  dea  povres  gens  qui  seroient  en  calamite  semblable:  car  quand  il  n'y  auroit  que  l'affliction  qu'il  a  enduree,  encores  cela  le  devroit  enseigner  a  avoir  pitie  et  compassion  de  ceux  qui  en  auroient  besoin.  Mais  quand  tout  sera  bien  regarde,  Iob  ne  veut  pas  ici  declarer  ce  qu'il  feroit,  mais  ce  qu'un  homme  pourroit  faire,  quand  il  seroit  en  tel  estat.  Il  n'entend  point  donc  qu'il  voulust  rendre  la  pareille  a.  ceux  qui  le  molestoyent  a  leur  escient,  mais  simplement  qu'il  se  pourroit  gaudir  s'il  estoit  comme  eux.  Il  signifie  donc  en  somme,  Vous  en  parlez  bien  a  vostre  aise,  vous  hochez  ici  la  teste  sur  moi,  il  ne  vous  couste  rien  de  me  condamner,  voire  de  me  plonger  iusques  aux  abysmes,  vous  faites  cela  comme  gens  qui  ne  savez  que  c'est  d'endurer  mal.  Si  i'estoye  en  vostre  estat,  n'en  pourroy-ie  point  faire  autant?  Et  comment  le  prendriez-vous,  si  ie  venoye  hoeher  la  teste  sur  vos  calamitez,  voyant  que  la  main  de  Dieu  vous  auroit  presse  iusques  au  bout?  Quand  ie  diroye,  O  c'est  bien  employe,  il  faut  que  Dieu  vous  chastie,  et  qu'il  vous  face  sentir  comme  il  afflige  les  pecheurs:  quand  il  n'y  auroit  que  confusion  en  vous,  si  i'en  parloye  ainsi,  ne  pourriezvous  pas  dire,  que  ie  seroye  un  mocqueur,  et  un  homme  cruel?  Pensez  donc  maintenant  a  vous.  Voila  en  somme  quelle  est  l'intention  de  Iob.  Or  donc  nous  voyons  qu'il  ne  s'est  point  ici  aiguise  a  vengeance,  comme  ceux  qui  n'ont  nulle  crainte  de  Dieu,  quand  on  les  faschera,  ils  voudroient  avoir  la  puissance  en  main  de  pouvoir  rendre  au  double  le  mal  qu'on  leur  aura  fait.  Iob  n'a  pas  este  ainsi.  Et  de  fait,  il  faut  bien  que  les  enfans  de  Dieu  se  tienent  en  bride:  combien  qu'on  nous  fasche  et  qu'on  nous  tormente,  il  n'est  pas  question  de  nous  ruer  sur  ceux  qui  nous  auront  ainsi  iniustement  persecutez,  car  Dieu  les  nous  envoye  pour  nous  humilier,  il  faut  que  nous  cognois-