33:7  7  NOTICE  PBELIMINAIRE.  particulier:  ainsi  est-il  bien  necessaire  d'estre  munis  de  vraye  patience,  a  fin  de  ne  defaillir  point  sous  le  fardeau  cependant  que  les  verges  de  Dieu  continuent  sur  nous:  comme  aussi  cela  mesmes  est  un  des  poincts  de  l'amendement  qu'il  requiert  de  nous.  Or  c'est  une  chose  qui  ne  se  peut  apprendre  d'ailleurs  que  de  la  parole  de  Dieu:  car  iacoit  que  les  Philosophes  anciens  et  autres  sages  du  monde  en  ayent  parle  et  baille  certains  enseignemens:  tant  y  a  que  iamais  il  ne  s'est  trouve  homme,  qui  pour  avoir  apprins  en  leur  escole,  peust  monstrer  avoir  sceu  que  c'est  au  besoin,  et  quand  il  a  este  question  de  la  practique.  Et  de  faict  ceux-la  mesme  qui  se  mesloyent,  comme  il  a  este  dit,  d'enseigner  les  autres,  outre  ce  que  leur  doctrine  desia  en  soi  estoit  imparfaicte,  quant  aux  dangers  il  leur  a  fallu  practiquer  la  chose,  le  plus  souvent  n'ont  sceu  la  ou  ils  en  estoyent:  et  ceux  qui  ont  fait  le  mieux,  ont  monstre  ie  ne  scai  quoi  qui  de  loin  ressembloit  a  patience,  mais  estant  considere  de  pres  y  estoit  du  tout  contraire.  Pourtant  non  sans  cause  l'Apostre  sainct  Paul  nous  ramene  a  toute  l'Escriture,  pour  profiter  en  patience  et  consolation:  comme  aussi  en  l'autre  passage  il  dit,  Qu'elle  tend  a  rendre  l'homme  accompli  et  appareille  a  toute  bonne  oeuvre.  Mais  encore  entre  les  livres  de  l'Escriture,  celui  de  Iob  nommement  nous  est  recommande  pour  cest  usage  par  l'Apostre  sainct  Iaques.  Or  l'histoire  desia  estant  simplement  leue,  monstre  suffisamment  que  ce  n'est  pas  sans  cause.  Cependant  il  n'y  a  point  de  doute  que  l'aide  d'un  bon  expositeur  ne  soit  chose  fort  utile  aux  plus  savans,  et  comme  necessaire  au  commun,  pour  tant  mieux  cognoistre  et  entendre  les  matieres  diverses,  et  faire  son  profit  de  la  doctrine  qui  y  est  contenue.  C'est  ce  qui  a  esmeu  aucuns  bons  personnages  a  mettre  en  lumiere  ceste  annee  ces  sermons  du  fidele  serviteur  de  Dieu  et  de  son  Eglise  Maistre  Iean  Calvin  sur  ce  livre  de  Iob:  iacoit  que  lui  mesme  qui  en  est  l'autheur,  et  de  la  bouche  duquel  iis  ont  este  recueillis,  y  resistast  entant  qu'en  lui  est:  comme  il  a  fait  quant  a  ses  autres  sermons.  Au  reste,  combien  que  d'autres  savans  personnages  ayent  travaille  pour  donner  intelligence  plus  facile  de  ce  livre  par  leurs  escrits:  toutesfois  outre  ce  que  ces  Sermons  sont  en  commun  langage  Francois,  la  maniere  de  traicter  la  doctrine  y  est  si  simple,  et  compassee  a  la  portee  des  plus  grossiers  (comme  on  dit)  sans  toutesfois  obmettre  les  choses  necessaires,  d'advantage  appliquee  par  ci  par  la  a  l'usage  du  temps  present,  que  pour  certain  tous  ceux  qui  voudront  iuger  droictement  et  sans  malignite  trouveront  encore  ici  un  bon  aide,  et  auront  do  quoi  se  contenter.  Pour  le  monstrer,  il  n'est  ia  besoin  de  faire  ici  un  sommaire  du  livre,  ou  des  principaux  poincts  de  la  doctrine  et  de  l'usage  d'icelle  en  diverses  sortes.  Car  outre  ce  qu'il  vaut  mieux  le  cognoistre  par  ci  par  la  en  lisant  ces  Sermons:  le  premier  en  contient  une  deduction  assez  suffisante,  et  toutesfois  briefve,  pour  estre  plus  aisement  retenue.  Quoi  qu'il  en  soit,  si  ceux  qui  liront  le  tout,  sont  gens  qui  ayent  desia  laisse  les  idolatries,  pour  s'addonner  a  la  doctrine  de  l'Evangile,  ils  trouveront  ici  a  profiter  tousiours  d'advantage  en  la  cognoissance  de  Dieu  et  de  nostre  Seigneur  Iesus  Christ:  mais  principalement  a  se  confermer  en  droite  patience  en  leurs  afflictions.  Que  si  ce  sont  gens,  lesquels  n'ayent  pas  encore  sceu,  ou  voulu  discerner  la  vraye  religion,  pour  s'y  ranger  en  laissant  les  fausses:  quelque  occasion  qui  les  ait  empeschez,  estans  advertis  par  la  doctrine  de  ce  livre,  ainsi  maschee  comme  ils  la  trouveront,  et  principalement  resveillez  par  ce  iugement  extraordinaire  en  la  personne  de  Iob,  qu'ils  y  verront  deduict  et  declare  au  long:  ils  seront  preparez  a  mieux  penser  a  eux-mesmes,  et  a  faire  leur  profit  de  tant  d'adversitez  qu'on  voit  auiourd'hui  parmi  le  monde,  et  de  plus  grandes  encore,  desquelles  il  est  bien  a  croire  que  Dieu  menace  les  hommes,  pour  le  grand  et  manifeste  mespris  de  l'Evangile.  Car  combien  que  les  choses  qui  sont  advenues  ceste  annee,  tant  en  ses  iugemens  sur  les  meschans  et  ennemis  de  Iesus  Christ,  qu'en  ses  chastiemens  sur  les  fideles,  soyent  bien  espouvantables:  si  est-ce  que  d'autant  que  bien  peu  s'amendent,  et  au  contraire  plusieurs  s'enveniment  tant  plus  a  batailler  contre  Iesus  Christ,  aucuns  ayans  commence  a  bien  faire,  s'anonchalissent:  voire  mesmes  se  revoltent:  on  ne  peut