32:7  7  PSALMUS  XCI.  8  quae  nobis  Satan  opponit,  minime  pares  essemus,  nisi  nos  Deus  attolleret.  Quisquis  haec  duo  inter  se  conferet,  fluidam  nostram  infirmitatem,  deinde  spinas,  salebras,  saltus,  asperitates  viarum,  angustias,  praeterea  hebetudinem  mentis  nostrae,  et  Satanae  vafritiem  in  struendis  insidiis:  reperiet  non  esse  hyperbolicum  hoc  elogium,  sed  fatebitur  non  posse  nos  tres  passus  progredi,  nisi  quodammodo  praeter  naturam  angeli  nos  in  aere  portent.  Quod  autem  saepe  impingimus,  culpae  nostrae  imputandum  est,  quia  nos  a  capite  nostro  disiungimus.  Quanquam  autem  propriae  infirmitatis  convinci  nos  vult  Deus  dum  impingimus  vel  cadimus,  quia  tamen  collidi  non  permittit,  perinde  est  ac  si  manum  suam  supponeret.  13.  Super  leonem  et  aspidem  ambulabis,  conculcabis  leunculum  et  draconem.  14.  Quia  in  me  acquievit,  liberabo  eum:  exaltabo  eum,  quia  cognovit  nomen  meum.  15.  Invocabit  me,  et  respondebo  ei:  cum  ipso  ero  in  tribulatione,  eripiam  eum  et  glorificabo  eum.  16.  Longitudine  dierum  satiabo  eum,  et  ostendam  ei  salutem  meam.  13.  (Super  leonem  et  aspidem  ete.)  Confirmat  aliis  verbis  eandem  sententiam.  Lapidum  nomine  prius  notavit  obstacula  omnia,  quibus  molitur  Satan  abrumpere  salutis  nostrae  cursum.  Iam  per  aspidem,  leonem,  leunculum  et  draconem^  significat  mortiferos  casus  quibus  obnoxii  sumus  in  mundo.  Certe  quamdiu  hic  peregrinamur,  ambulandum  nobis  est  inter  saevas  feras,  aut  virulenta  animalia.  Quid  ergo  nobis  fieret,  nisi  victoriam  nobis  promitteret  Deus  contra  tot  noxas,  quae  assidue  nobis  impendent?  Quisquis  ergo  suas  tentationes  expendet,  non  mirabitur  hyperbolica  loquendi  forma  usum  fuisse  prophetam,  ut  fideles  eximeret  a  trepidatione  et  metu:  imo  non  dicet  esse  hyperbolen,  quia  vere  his  verbis  respondet  effectus.  Nos  quidem  procul  a  telorum  iactu  videmur  plusquam  bellicosi,  sed  in  minimis  quibusque  negotiis  leones  nobis  et  dracones  fingimus,  videmurque  nobis  ad  plures  lanienas  expositi:  ideo  sermonem  ad  sensum  carnis  nostrae  attemperavit  propheta.  Ubi  aspidem  Graeci  verterunt,  hebraicum  nomen  leonem  significat:  et  in  secundo  membro  repetitio  est  Hebraeis  usitata:  ideoque  subtilius  inter  quatuor  species  distinguere  nihil  attinet,  nisi  quod  certum  est  per  leones  et  leunculos  designari  aperta  et  violenta  mala:  per  aspides  vero  et  dracones,  occultas  noxas,  quibus  insidiose  et  ex  inopinato  quasi  ex  serpentum  latebris  impetimur.  14.  {Quia  in  me  acquievit)  Ne  fastidiosi  simus  in  tam  prolixo  sermone,  tenendum  memoria  est  quod  dixi,  prophetam  infirmitati  nostrae  hoc  modo  prospicere,  quia  nunquam  satis  constanter  Dei  pro-