30:7  7  HOMILIA  XLV.  designatus  et  approbatus  rex  fuisset:  sed  ad  vitam  priorem  rusticam  reversum  fuisse,  et  Samueli  se  regendum  permisisse,  ut  a  parentibus  pueri  gubernari  solent.  Sed  non  conveniunt  ista  cum  superioribus:  nam  textus  istius  sensus  hic  est  simplicissimus,  Saulem  unum  tantum  annum  adhuc  regnavisse,  quum  ipsi  regnum  est  confirmatum,  ut  supra  vidimus:  deinde  biennium  regnasse  donec  ea  quae  deinceps  sunt  recitanda  contigissent.  Itaque  sic  ista  recitantur  ad  seriem  historiae  contexendain,  Saulem  a  Deo  fuisse  electum  regem  antequam  de  hostibus  primam  illam  victoriam  reportasset:  et  in  regia  potestate  confirmatum,  nullo  reclamante  :  deinde  vero  biennium  regnasse,  donec  per  filium  lonathanum  bellum  adversus  Philistaeos  capitalissimos  Israelitarum  hostes  renovaret.  Quaeri  vero  non  immerito  potest  an  iusta  suscipiendi  belli  fuerit  occasio,  an  vero  temere  susceptum  sit.  Ac  Ionathani  temeritati  tribui  fortasse  posse  videbitur,  ut  sunt  iuvenes  fervidiores  et  in  multis  temere  suscipiendis  audaciores.  Quare  temeritati  Ionathani  istud  adscribi  posse  videbitur,  qui  proximus  praesidiariis  Philistaeorum  militibus  illos  ultro  sit  adortus.  Neque  enim  legimus  illum  antea  consilium  suum  cum  patre  communicasse,  aut  in  mandatis  a  patre  habuisse,  aut  a  Samuele  autoritatem  accepisse.  Verum  exitus  ostendit  istud  bellum  non  fuisse  a  Domino  reprobatum.  Et  quoniam  supra  dictum  est,  populum  vires  resumpturum,  et  in  integram  libertatem  asserendum,  et  de  hostibus  suis  triumphaturum,  inde  possumus  colligere,  lonathanum  non  temere  Philistaeos  adortum:  sed  quum  animadverteret  partem  haereditatis  Israelitarum  a  Philistaeis  occupari,  et  praesidiis  armisque  teneri,  quasi  devinctos  Israelitas  sibi  subiicere  vellent,  quod  Dei  promissionibus  prorsus  repugnabat,  quibus  Deus  spem  Israelitis  fecerat  tranquille  possidendi  terram  quam  ipsis  dederat,  merito  praesidiarios  illos  milites  aggressus,  disturbare  conatus  est,  et  praesidium  occupare.  Et  sane  non  temere  id  fecisse  lonathanum  ex  sequentibus  apparet,  quod  non  modo  Saul  filii  sui  factum  probavit,  sed  ipse  etiam  Samuel,  qui  fuit  tanquam  os  Domini,  et  organum  spiritus  sancti.  Quamobrem  ex  iis  fit  satis  conspicuum,  non  debuisse  lonathanum  ferre  illa  praesidia  quae  terram  sanctam  occupabant,  quam  Deus  ipse  populo  suo  in  haereditatem  dederat:  et  quibus  veluti  captivus  populus  detinebatur,  et  agros  colere  prohibebatur,  propriaque  domo  exsulare  cogebatur.  Deinceps  igitur  dicitur  Saul  tuba  clanxisse,  et  sua  autoritate  et  mandato  percussos  illos  praesidiarios  milites  declarasse.  Neque  enim  ait:  Filius  meus  Ionathanus  istud  bellum  excitavit,  sed  percussit  Saul  stationarios  milites  Philistaeorum,  quibus  premebamur.  Deinde  videmus  Saulem  non  sine  mandato  Dei  Samuele  internuncio,  bellum