28:7  7  SERMON  CXXV.  d'autruy?  Oar  il  s'en  trouvera  beaucoup  quand  ils  pourront  par  subtils  moyens  avoir  ce  qu'ils  cognoissent  ne  leur  appartenir  point,  que  pour  cela  ils  ne  s'estiment  point  coulpables  devant  Dieu.  Pourquoy?  Car  ils  n'en  viendront  point  en  iustice.  Voire,  mais  qui  est-ce  qui  les  absout?  Pensentils  se  iouer  ainsi  avec  Dieu?  Or  comme  desia  nous  avons  monstre,  en  la  Loy  il  n'est  pas  seulement  dit  qu'il  nous  faut  abstenir  de  toute  rapine:  mais  que  nous  devons  conserver  le  bien  de  nos  prochains.  Car  si  ie  fay  le  guet,  pour  savoir  comme  ie  pourray  attrapper  k  moy,  et  que  i'appovrisse  celuy  qui  a  dequoy,  et  que  ce  soit  pour  m'enricbir,  que  ie  cerche  mon  profit  au  dommage  de  mon  voisin:  quand  nous  y  aurons  este  ainsi  par  subtils  moyens,  ne  pensons  point  que  Dieu  se  contente  de  nos  finesses  et  nos  subterfuges:  quand  nous  aurons  bien  lave  les  mains  devant  les  hommes,  qu'aurons-nous  gagne,  si  le  Iuge  celeste  nous  condamne?  Voila  comme  nous  avons  a  prattiquer  ce  passage:  c'est  que  nous  cognoissions  quelle  est  l'intention  de  Dieu,  quand  il  a  condamne  les  larrecins  en  sa  Loy:  c'est  qu'il  veut  que  nous  taschions  a  faire  le  profit  de  nos  prochains  entant  qu'en  nous  sera:  et  qu'un  chacun  possede  ce  qu'il  a  en  bonne  paix,  et  qu'on  luy  aide,  et  que  nous  evitions  toute  perte  et  dommage  de  nos  voisins,  comme  nous  voulons  qu'on  nous  face:  et  que  cela  se  prattique  envers  tous.  Yoila  en  somme  ce  que  nous  avons  a  retenir.  Mesmes  nous  voyons  qu'en  ceste  bestise  de  la  papaute  encores  a-on  retenu  quelque  trace  de  ceste  doctrine.  Il  est  vray  que,  comme  ces  prestrailles  ont  este  des  gouffres,  et  qu'ils  ont  eu  leurs  filets  tendus  pour  attirer  la  proye  de  tous  costez:  qu'ils  ont  voulu  qu'on  appliquast  en  offrande  ce  qu'on  avoit  trouve:  quand  le  maistre  ne  se  cognoissoit  plus,  que  cela  estoit  confisque  a  Dieu,  c'est  a  dire,  a  leur  bource.  Mais  tant  y  a  que  tousiours  ceci  est  demeure,  qu'il  n'estoit  point  licite,  a  peine  de  larrecin,  de  cacher  une  chose  trouvee,  quand  on  savoit  qu'elle  avoit  este  perdue:  mais  qu'il  falloit  faire  tout  devoir,  afin  de  cognoistre  le  maistre.  Or  puis  que  les  povres  aveugles  qui  estoyent  ainsi  abrutis,  ont  neantmoins  cogneu  cela,  quelle  excuse  y  aura-il  entre  nous?  Mais  auiourd'huy  nous  voyons  quelle  licence  beaucoup  de  gens  se  donnent:  que  ceux  qui  font  semblant  d'avoir  l'Evangile,  sont  des  larrons  pour  tout  potage,  qu'il  n'est  question  que  de  piller  et  de  ravir.  Or  il  est  vray  que  beaucoup  de  ceux-la  n'ont  iamais  gouste  que  c'estoit  de  la  verite  de  Dieu.  Mais  quoy  qu'il  en  soit  ceste  voix  de  Dieu  retentit  ici,  et  on  aura  les  aureilles  battues  de  ceste  doctrine,  que  nous  devons  procurer  le  bien  d'autruy:  qu'on  aille  par  les  champs,  on  ne  trouvera  que  larcins  et  pillages.  Par  les  villes,  quoy?  Encores  pis:  qu'on  verra  des  volleries  et