27:7  7  SERMON  LXIX.  dire,  de  sa  vertu:  il  y  a  un  miracle.  Que  l'ouvrage  de  Dieu  soit  aboli,  que  dira-on?  Ne  faut-il  pas  que  le  peuple  qui  en  est  cause  perisse  du  tout?  Si  nous  faisons  comparaison  entre  la  parolle  de  Dieu,  et  le  salut  des  hommes:  il  est  certain  que  la  parolle  de  Dieu  est  beaucoup  plus  precieuse.  Or  voila  la  parolle  de  Dieu  qui  est  escrite,  elle  procede  comme  du  ciel,  ie  di  mesmes  l'escriture  qui  est  faite  en  deux  tables  de  pierre,  ce  n'est  point  d'artifice  humain,  Dieu  mesmes  y  a  besongne  de  sa  propre  vertu  :  quelle  punition  donc  doivent  recevoir  ceux  qui  ont  commis  un  tel  crime,  et  si  enorme,  qu'il  ait  falu  que  ce  que  Dieu  avoit  engrave  s'en  allast  a  neant,  et  qu'il  fust  aneanti?  Nous  voyons  donc  comme  Dieu  a  magnifie  sa  bonte  inestimable  envers  ce  peuple,  quand  il  a  voulu  que  ces  deux  tables  fussent  remises  en  estat,  et  que  derechef  sa  Loy  fust  escrite  comme  un  memorial  perpetuel,  qu'il  estoit  le  protecteur  de  la  lignee  d'Abraham,  et  qu'il  le  vouloit  tenir  a  soy,  et  pour  son  troupeau.  Ainsi  ce  n'est  pas  sans  cause  que  Moyse  derechef  recite  qu'il  a  fait  de  nouveau  deux  tables  qu'il  a  presentees  a  Dieu,  et  que  les  dix  commandemens  y  ont  este  escrits  :  c'estoit  une  chose  plus  que  memorable,  et  en  laquelle  les  hommes  se  devoyent  exercer  iour  et  nuict,  et  savoir,  que  Dieu  s'estant  gratuitement  allie  avec  une  maison,  ne  s'est  point  contente  de  cela:  mais  encores  que  les  successeurs  fussent  une  nation  perverse,  et  maudite,  qu'il  y  eust  une  rebellion  desesperee,  qu'il  y  eust  une  ingratitude  si  villaine  que  rien  plus:  toutesfois  que  Dieu  n'a  pas  laisse  de  continuer  son  alliance:  qui  plus  est  qu'il  n'a  pas  laisse  de  la  remettre  au  dessus,  et  en  son  entier.  Or  en  cela  voyons-nous  qu'il  n'a  point  eu  esgard  aux  hommes,  ni  a,  leur  dignite:  mais  il  veut  qu'on  tienne  tout  de  luy,  mesmes  il  surmonte  par  sa  bonte  toute  la  malice,  et  perversite  des  hommes,  lesquels  se  monstrent  indignes  du  bien  qu'il  leur  faisoit  en  les  adoptant  pour  estre  de  sa  maison,  et  de  ses  heritiers.  Voila  ce  que  nous  avons  a  retenir.  Mais  notons  que  Moyse  n'a  point  parle  pour  son  temps  seulement  :  mais  qu'auiourdhuy  ceste  doctrine  nous  attouche  autant  ou  plus  que  iamais:  et  sur  tout  quand  nous  pourrons  prendre  la  similitude  qui  est  entre  nous  et  le  peuple  ancien.  Il  est  vray  qu'auiourd'huy  nous  n'aurons  point  la  Loy  escrite  en  deux  tables  de  pierre:  mais  nous  avons  la  grace  de  Dieu  qui  est  beaucoup  plus  ample  envers  nous,  et  qui  merite  d'estre  beaucoup  plus  prisee:  d'autant  que  nous  sommes  asseurez  qu'il  nous  retient  pour  son  Eglise,  et  veut  que  nous  soyons  gouvernez  par  luy.  Or  regardons  d'ou  procede  cela,  et  quelle  en  est  la  cause?  Il  est  vray  que  nous  sommes  creatures  formees  a  l'image  de  Dieu,  si  nous  regardons  a  ce  qui  a  este  donne  a.  nostre  pere  Adam:  mais  nous