26:7  7  SERMON  XI.  chastie  par  mesure,  et  comme  il  cognoist  qu'il  nous  est  profitable.  Voila  donc  quant  a  ce  reculement  dont  il  est  ici  traitte.  Et  au  reste,  sachons  que  si  nostre  Seigneur  nous  recule,  et  la  ou  les  choses  estoyent  en  bon  train,  la,  ou  il  y  avoit  apparence  que  tout  deust  florir,  et  estre  en  grande  prosperite,  si  nous  y  voyons  une  confusion  soudaine,  et  puis  que  cela  dure,  et  que  les  choses  aillent  de  mal  en  pis:  cognoissons  que  c'est  pour  nos  pechez,  et  que  nous  avons  perverti  le  cours  de  la  bonte  de  Dieu.  Car  iamais  il  ne  se  lassera  de  continuer  le  bien  qu'il  nous  aura  fait:  mais  nous  ne  pouvons  souffrir  qu'il  continue,  nous  l'empeschons  en  tant  qu'en  nous  est.  Il  faut  donc  qu'il  nous  traitte  selon  que  nous  l'avons  desservi.  Or  au  reste,  sachons  que  quand  nous  obeissons  a  Dieu,  qu'il  a  fait  profiter  ses  corrections  en  nous.  Il  est  vray  que  beaucoup  s'endurcissent,  quand  Dieu  les  voudra  matter,  qu'on  les  voit  felons,  pleins  de  venin  a  l'encontre  de  luy  :  mais  Dieu  besongne  tellement  en  ses  eleus,  que  quand  il  les  frappe  de  sa  main,  il  les  touche  aussi  au  dedans  de  son  sainct  Esprit,  en  sorte  que  leurs  coeurs  s'amollissent  en  obeissance:  mais  tant  y  a,  que  les  corrections  leur  profitent.  Et  ainsi,  que  nous  ne  soyons  point  faschez,  si  Dieu  nous  a  disposez  a  soy  par  chastimens.  Combien  que  les  miseres  que  nous  endurons,  nous  soyent  dures,  et  qu'elles  soyent  contraires  a  nostre  nature:  si  faut-il  neantmoins  que  nous  les  trouvions  bonnes,  d'autant  que  Dieu  les  fait  ainsi  servir  a  nostre  bien.  Or  il  est  dit  notamment  par  Moyse,  que  le  peuple  apres  avoir  circui,  et  tracasse  la  montagne  de  Seiry  est  venu  du  coste  de  la  bize,  voire  comme  Dieu  luy  a  commande.  Enquoy  nous  voyons  plus  clairement  ce  que  i'ay  touche,  c'est  assavoir,  qu'il  y  ha  une  docilite  en  ce  peuple  qui  n'y  estoit  point  auparavant:  il  est  docile.  Et  combien  qu'il  tracasse  long  temps,  et  qu'il  se  pourroit  tous  les  iours  fascher,  qu'il  avoit  occasion  de  murmurer,  et  y  avoir  de  la  mutination:  toutesfois  il  va  tousiours.  Pourquoy?  Car  ii  y  ha  un  changement  a  cause  des  corrections  qu'il  a  receues.  Nous  voyons  donc  comme  Dieu  reforme  les  hommes  en  les  punissant  de  leurs  pechez:  que  c'est  comme  une  fournaise  pour  estre  recuits  et  refondus.  Et  pourtant  si  Dieu  nous  a  laisse  ici  a  nostre  aise,  et  que  nous  regimbions  contre  luy:  sachons  qu'il  nous  est  plus  qu'utile  d'estre  corrigez  par  quelque  bonne  discipline.  Et  cependant  advisons  d'en  faire  nostre  profit,  que  nous  ne  soyons  point  pires  que  ceux  qui  nous  sont  proposez  en  exemple  de  rebellion,  et  de  malice.  N'endurcissez  point  vos  coeurs,  comme  ont  fait  vos  peres,  dit  le  Seigneur.  Et  toutesfois  si  voyonsnous,  encores  que  ce  peuple,  quelque  malin  et  pervers  qu'il  fust,  n'a  pas  laisse  de  circui  r  long  temps  la  montagne,  apres  que  Dieu  l'avoit  ainsi  chastie,