25:7  7  SANCTIONES  A  PROMISSIONIBUS  ET  MINIS.  8  igendam  carnis  contumaciam,  tum  ad  corrigendam  in  qua  nimium  torpemus,  securitatem.  De  utrisque  iam  disserere  expediet.  Levit.  18,  5.  Custodite  statuta-  Tametsi  locus  hic  a  Mose  inseritur  ubi  Israelitas  hortatur  ad  colendam  in  connubiis  verecundiam,  ne  ad  foedos  incestus  gentium  prosiliant:  quia  tamen  insignis  est,  continetque  generalem  doctrinam,  et  inde  a  Paulo  elicitur  definitio  iustitiae  legis  (Rom.  10,  5):  visus  est  huc  optime  quadrare:  quia  mercedis  promissione  legem  sancit  ac  confirmat.  Spes  ergo  vitae  aeternae  datur  omnibus  qui  legem  servarint:  nam  inscite  quidam  de  terrena  et  caduca  vita  interpretantur.  Errandi  causa  fuit,  quia  metuebant  ne  eversa  fidei  iustitia,  salus  hoc  modo  collocaretur  in  meritis  operum.  Atqui  non  ideo  homines  iustificari  operibus  negat  scriptura,  quod  lex  mutila  sit,  vel  non  doceat  perfectam  iustitiam  :  sed  quia  nostro  vitio  et  culpa  promissio  irrita  redditur.  Itaque  Paulus  (ut  nuper  attigi)  dum  fide  quaerendam  esse  in  Christi  gratia  iustitiam  docet,  hac  ratione  probat  suam  sententiam,  quod  nemo  iustificatur  nisi  qui  praestiterit  quod  lex  iubet  (Gal.  3,  l  l  )  .  Alibi  etiam  ratiocinatur  a  contrariis,  ubi  contendit  legem  cum  fide  non  congruere  quoad  iustificandi  causam:  quia  lex  opera  postulet  ad  salutem  acquirendam,  fides  autem  nos  ad  Christum  dirigat,  ut  liberemur  a  maledictione  legis.  Stulte  ergo  multi  quasi  absurdum  refugiunt,  si  quis  legem  impleat,  iustitiam  consequi:  quando  non  a  legis  doctrina,  sed  ab  hominum  infirmitate  provenit  defectus:  sicut  ex  alio  Pauli  testimonio  liquet  (Rom.  8,  4).  Verum  notandum  est,  non  aliter  sperandam  esse  salutem  ex  lege,  nisi  omni  ex  parte  satisfactum  fuerit  eius  praeceptis.  Neque  enim  offertur  vita  si  quis  hoc  vel  illud  fecerit,  sed  voce  plurali  plena  obedientia  exigitur.  Nam  quod  de  partiali  iustitia  garriunt  theologi  papales,  insulsum  ac  frivolum  est,  quia  Deus  omnia  simul  praecepta  complectitur.  Iam  ubi  reperietur  qui  se  in  solidum  fuisse  defunctum  iactet?  Quod  si  nemo  a  transgressione  unquam  immunis  fuit,  vel  futurus  est:  quamvis  nos  Deus  minime  frustretur,  quia  tamen  pacto  non  stamus,  infructuosa  redditur  promissio.  Deuter.  27,  l  l  .  Praecepitque  Moses.  Quo  plus  efficaciae  haberent  tam  promissiones  quam  minae  ad  permovendos  omnium  animos,  non  tantum  solenni  ritu  eas  voluit  Deus  promulgari:  sed  approbari,  clara  populi  voce,  et  consensu  quodammodo  obsignari.  Id  fideliter  a  Iosue  praestitum  fuisse  alibi  refertur  (Ios.  8,  33).  Hoc  in  praesentia  sufficiat,  citatos  ac  productos  fuisse  omnes  a  Deo  tanquam  subscriptores,  ut  in  posterum  cessaret  omnes  tergiversatio.  Divisae  autem  fuerunt  tribus  Israel  in  duos  ordines,  ut  aliae  e  regione  aliarum  starent,  et  ab  uno  latere  resonarent  benedictiones,  ab  altero  autem