24:7  7  PRAEFATIO.  8  ne  peccandi  licentia  nobis  indulgentes,  falso  nos  esse  Dei  filios  gloriemur.  Nam  quum  tam  severe  ulfcus  sit  Deus  idololatriam,  pravas  cupiditates  ac  libidines,  contumaciam,  aliaque  scelera:  hinc  discendum  est,  nusquam  Deum  luculentius  sua  iudicia  exserere  l)  quam  in  ecclesia:  ut  quod  fallacibus  Iudaeis  contigit,  ad  omnes  nostrae  aetatis  hypocritas  accommodemus.  Doctrinae  partitio  quatuor  praecipue  membris  comprehenditur.  Nam  ut  ad  docilitatem  animos  comparet,  multis  elogiis  commendat  legis  autoritatem.  Quaecunque  igitur  sententiae  occurrent  de  legis  dignitate,  praefationis  vice  ponuntur,  ut  iustam  reverentiam  Deus  obtineat:  ideoque  ordine  praecedunt  legis  praecepta,  et  in  hac  prima  classe  locanda  erunt.  Sequuntur  decem  praecepta,  quibus  pie  iusteque  vivendi  regulam,  breviter  quidem,  sed  in  solidum  complexus  est  Deus:  modo  ne  separemus  quas  sparsim  interpretationes  addidit  legislator.  Multa  enim  extra  duas  tabulas  leguntur,  quae  sensu  tamen  nihil  differunt:  ideoque  adhibenda  est  prudentia  ut  singula  annexa  suis  praeceptis  legem  integram  nobis  conficiant.  Tertium  caput  doctrinae  constat  ex  appendicibus,  qua  voce  intelligo,  prioris  quidem  tabulae  respectu,  caeremonias  et  externa  pietatis  exercitia:  deinde  secundae  respectu  leges  politicas;  quoniam  non  alio  tendit  utraque  pars,  nisi  ut  legis  moralis  observationem  adiuvent.  Atque  hoc  cognitu  non  parum  utile  est,  nihil  caeremonias  vel  iudicialem  doctrinam  mutare,  vel  detrahere  de  regula  decem  verbis  tradita:  sed  tantummodo  adminicula  esse  quae  ad  Deum  rite  colendum,  et  ad  iustitiam  cum  hominibus  colendam  nos  quasi  manu  ducant.  Scimus  continuum  olim  '  prophetis  fuisse  certamen  cum  populo  Iudaico,  quod  caeremoniis  strenue  incumbens,  ac  si  inclusa  illis  esset  perfecta  religio  et  sanctitas,  veram  iustitiam  negligebat.  Itaque  negat  Deus  se  quidquam  de  sacrificiis  praecepisse:  ac  omnes  externos  ritus  pro  inutilibus  nugis  ducit,  si  illis  vel  minimum  pretii  seorsum  a  decem  praeceptis  tribuitur.  Unde  certius  colligimus  quod  attigi,  non  esse  ex  substantia  legis,  (ut  loquuntur)  nec  per  se  ad  Dei  cultum  valere,  nec  eas  a  legislatore  ipso  exigi  quasi  necessarias,  vel  etiam  utiles,  nisi  in  gradu  inferiore  subsidant.  In  summa,  accessiones  sunt,  non  quae  legi  vel  unum  apicem  addant,  sed  quae  pietatis  cultores  retineant  in  spirituali  cultu,  qui  fide,  poenitentia,  Dei  invocatione,  et  laudibus  quae  gratitudinem  demonstrant,  crucis  etiam  tolerantia  continetur.  In  politicis  omnibus  praeceptis  nihil  plane  reperietur  quod  aliquid  secundae  tabulae  ad  perfectionem  addat.  Sequitur  itaque,  ad  regulam  bene  recteque  vivendi,  praeter  decem  verba,  desiderari  nihil  posse.  Ultima  pars  finem  usumque  legis  ostendit:  ac  proinde  eius  utilitas  latissime  patet.  Qui  d  enim  nobis  prodesset  ad  iuste  vivendum  institui,  nisi  culpae  et  reatus  agnitio  nos  ad  quaerendum  remedium  traheret?  Quod  ergo  promissionibus  tam  blande  et  suaviter  nos  Deus  allicit,  quod  rursum  maledictionibus  fulminat,  partim  nos  reddit  inexcusabiles,  partim  omni  iustitiae  fiducia  exspoliatos  deiicit,  ut  gratuitum  eius  foedus  amplexi,  ad  Christum  legis  finem  confugere  discamus.  Huc  spectant  promissiones  quibus  se  propitium  fore  testatur,  ut  parata  sit  peccatis  venia:  deinde  spiritum  regenerationis  offert.  Unde  pendet  illa  sententia:  Christum  esse  finem  legis.  Neque  tamen  hanc  classem  a  superioribus  discerno,  ac  si  nihil  haberet  cum  illis  commune  et  promiscuum.  Antequam  enim  eo  perventum  fuerit,  attingere  saepius  necesse  erit  tam  miserrimam  humani  generis  cladem,  quam  peculiare  adoptionis  beneficium,  et  continuam  seriam  paterni  favoris,  quo  Deus  suos  prosequitur.  Neque  enim  aliud  sibi  volunt  omnes  expiationes,  quam  Deum  semper  fore  misericordem,  quoties  ad  veniae  asylum  confugerit  peccator.  Sed  quam  necessaria  fuerit  haec  distributio,  melius  ex  contextu  intelligetur.  Canticum  et  mors  Mosis,  quatuor  librorum  erit  clausula.  1)  Edd.  exercere.