23:7  7  ARGUMENTUM  IN  GENESIN.  8  rabili  Dei  iudicio  admonitus,  eandem  ad  posteros  transmittere  neglexit?  Hoc  elogio  nominatim  Abraham  ornatur,  quod  familiae  suae  doctor  sit  ac  magister.  (Gen.  18,  19.)  Et  scimus,  quum  abesset  procul  Moses,  foederis  tamen  a  Deo  cum  patribus  initi  notitiam  toti  populo  tritam  fuisse.  Neque  enim  quasi  novum  aliquid  prodit  natos  esse  ex  sancto  genere  Israelitas,  quod  Deus  sibi  cooptasset:  sed  tantum  commemorat  quod  omnes  tenebant,  quod  senes  ipsi  a  proavis  acceperant,  quod  denique  omni  controversia  inter  eos  carebat.  Itaque  neque  dubium  nobis  esse  debet  quin  mundi  creatio,  ut  hic  describitur,  ex  veteri  ac  perpetua  patrum  traditione  iam  nota  esset.  Verum  quia  nihil  magis  proclive  est  quam  corrumpi  ab  hominibus  Dei  veritatem,  ut  longo  temporis  successu  quasi  a  seipsa  degeneret:  quo  pura  historia  retineretur,  eam  Dominus  scriptis  commendari  voluit.  Ergo  Moses  eius  doctrinae  quam  scriptis  complexus  est,  fidem  (quae  hominum  levitate  fluxa  esse  poterat)  stabilivit.  Nunc  ad  Mosis  consilium  redeo,  vel  spiritus  sancti  potius,  qui  per  os  eius  loquutus  est.  Deum,  qui  invisibilis  est,  nonnisi  ex  suis  operibus  cognoscimus.  Ideo  eleganter  Apostolus  saecula  vocat  T  a  M  ex  cpawofievav  jSAfjro/weva,  (Heb.  l  l  ,  3)  ac  si  dicas,  spectacula  rerum  non  apparentium.  Haec  ratio  est  cur  Dominus,  ut  nos  ad  sui  notitiam  invitet,  proponat  nobis  ante  oculos  coeli  terraeque  fabricam,  et  in  ea  se  quodammodo  conspicuum  reddat.  Nam  aeterna  quoque  eius  divinitas  et  potentia  (ut  inquit  Paulus  Rom.  1,  20)  illic  relucent.  Et  illud  Davidis  est  verissimum,  coelos,  utcunque  lingua  careant,  disertos  tamen  esse  gloriae  Dei  praecones  (Ps.  19,  1)  :  pulcherrimum  hunc  naturae  ordinem  silendo  clamare  quam  admirabilis  sit  eius  sapientia.  Hoc  eo  diligentius  notandum  est,  quod  tam  pauci  rectam  cognoscendi  Dei  viam  tenent:  plurimi  autem  in  creaturis  haerentes  opificem  ipsum  non  curant.  Nam  duobus  his  extremis  vitiis  fere  laborant  homines,  quod  alii,  praeterito  Deo,  totam  ingenii  sui  vim  ad  naturae  considerationem  applicant:  alii  autem,  neglectis  Dei  operibus,  stulta  adeoque  insana  curiositate  ad  inquirendam  eius  essentiam  involant.  Perperam  utrique.  Occupari  in  vestigandis  naturae  arcanis,  ut  nunquam  ad  autorem  convertas  oculos,  perversum  est  studium:  frui  vero  tota  natura,  nec  beneficii  autorem  agnoscere,  nimis  foeda  ingratitudo.  Ergo  qui  sine  religione  philosophantur,  imo  hoc  agunt  speculando  ut  Deum  et  pietatis  sensum  procul  a  se  romoveant,  aliquando  sentient  quid  valeat  illud  Pauli  quod  refert  Lucas,  Deum  nunquam  se  reliquisse  afiaQTVQov  (Act.  14,  17).  Neque  enim  illis  impune  cedet,  quod  ad  testimonia  tam  illustria  surdi  et  hebetes  fuerint.  Et  sane  Deum  nusquam  videre,  qui  ubique  dat  praesentiae  suae  signa,  malignae  ignorantiae  est.  Quod  si  nunc  illusores  cavillis  effugiunt,  aliquando  testabitur  horribile  eorum  exitium,  non  alia  de  causa  ipsos  Deum  nescire,  nisi  quia  sponte  et  malitiose  caecutiant.  Quantum  ad  eos  qui  superbe  mundum  transvolantes  Deum  in  nuda  sua  essentia  quaerunt,  fieri  non  potest  quin  absurdis  tandem  multis  commentis  se  intricent.  Deus  enim  alioqui  invisibilis  (ut  iam  dictum  est)  mundi  imaginem  quodammodo  induit,  in  qua  se  nobis  conspiciendum  praebeat.  Tam  magnifice  ornatum  incomparabili  coeliet  terrae  figura  qui  intueri  non  dignantur,  postea  suis  deliriis  iustas  sui  fastidii  poenas  luunt.  Proinde  simulac  nomen  Dei  auribus  nostris  insonat,  vel  eius  cogitatio  subit,  nos  quoque  pulcherrimo  hoc  ornatu  ipsum  vestiamus:  denique  mundus  sit  nobis  schola,  si  probe  Deum  cognoscere  optamus.  Hinc  etiam  refellitur  eorum  improbitas,  qui  Mosi  oblatrant,  quod  tam  breve  temporis  spatium  fluxisse  narret  a  mundi  creatione.  Quaerunt  enim  quid  Deo  repente  in  mentem  venerit  ut  mundum  crearet  :  cur  tamdiu  in  coelo  otiosus  iacuerit:  atque  ita  in  perniciem  suam  ludendo  acumen  suum  exercent.  Refertur  in  Historia  tripartita  quoddam  pii  viri  responsum,  quod  mihi  semper  placuit.  Nam  quum  impurus  quispiam  canis  Deum  eiusmodi  ludibrio  exagitaret,  excepit  ille,  tunc'minime  fuisse  otiosum,  quia  infernum  fabricasset  curiosis.  Quibus  enim  rationibus  eorum  proterviam  compescas,  quibus  sobrietas  ex  professo  contemptibilis  est  et  odiosa.  Et  certe  qui  in  vexando  Dei  otio  ita  licenter  nunc  exsultant,  vim  eius  in  paranda  gehenna  aeternam  fuisse  magno  suo  malo  sentient.  Quantum  ad  nos  spectat,  non  debet  tantopere  absurdum  videri,  quod  Deus  se  ipso  contentus,  mundum,  quo  non  indigebat,  non  ante