16:7  7  EPISTOLAE  2377.2379  8  2377.  VERMILIIJS  CALVINO.  Scriptum  quod  contra  Vintoniensem  episcopum  meditatur  lente  procedit,  tam  ob  ipsum  argumentum  diligentius  tractandum,  quam  ob  sui  corporis  imbecillitatem  et  otii  exiguitatem.  Addit  Argentoratensia,  quae  non  ab  omni  parte  tuta  et  felicia  praesagiunt  (Ex  autographo  Cod.  Genev.  112,  fol.  1.)  Clarissimo  viro  D.  Ioanni  Calvino  ministro  verbi  Dei  fidelissimo  ac  mihi  plurimum  observando.  Genevae.  S.  D.  Literas  quas  ad  me  25  Decembris  dedisti  l)  Ianuarii  12  accepi  :  de  quibus  uti  par  est  gratias  ago,  culpam  vero  de  literis  ad  me  serius  missis  nullam  agnosco  in  te  haerere.  Idcirco  ut  eam  depreceris,  praesertim  hoc  tempore,  non  opus  erat.  Scio  enim  te  quum  in  scribendo  tum  in  ecclesia  gubernanda  plus  occupatum  esse  quam  sis  ferendo.  Sed  ipse  Deus,  qui  pater  est,  quique  corporis  Christi,  nempe  illius  ecclesiae,  perpetuo  curam  gerit,  abs  te  non  aberit.  Quare  quod  agis  agas,  neque  de  mea  offensione  unquam  sis  anxius.  Ille  spiritus  qui  nos  in  Christo  adiunxit,  ut  quae  ad  civilem  et  externam  rationem  pertinent  omnino  inter  nos  boni  consulamus  iubet.  Deinde  officia  ista  transmittendi  literas  meo  iudicio  leviora  sunt  quam  ut  ipse  iis  onerari  debeas*  Quod  vero  suades  de  scriptis  iis  quae  prae  manibus  habeo,  2)  video  quo  spectet,  neque  diffiteor  consilii  tui  iustam  esse  rationem,  modo  illam  sequi  possim.  Id  vero  quominus  fiat  duae  sunt  causae.  Prima,  tanto  plausu  a  papistis,  praesertim  Anglis,  librum  Vinthoniensiss)  exceptum  esse,  ut  putent  neminem  esse  qui  ei  queat  respondere:  remque  prope  sophistice  prolixe  accuratissime  agit  et  perpetuo  sententias  patrum  obtrudit.  Quamobrem,  si  perfunctorie  ac  paucis  contradicatur,  clamabitur  nihil  actum.  Unde  mihi  proposui  ut  singulis  eius  libri  partibus  respondeam,  patres  etiam  opponendo  patribus  quantum  ipsa  res  patietur,  ne  adversarii  obganniant  huic  et  illi  loco  non  esse  responsum.  Novi  Anglorum  ingenia  et  existimo  2377.  1)  deperditas.  2)  Cf.  N.  2357.  3)  Contra  Granmerum  scripsit:  M.  Ant.  Constantii  theologi  Lovaniensis  Confutatio  cavillationum  quibus  ss.  eucharistiae  sacramentum  ab  impiis  Capernaitis  impeti  solet.  Par.  (Lovan.)  1552.  4.  Ed.  altera  1554.  (Cf.  Strype,  Cranm.  IL  25,  p.  373,  Schmidt,  Verm.  177.)  Martyris  confutatio  demum  a.  1559  s.  a.  et  I.  fol.  prodiit:  Defensio  doctrinae  veteris  et  apostolicae  de  ss.  eucharistiae  sacramento.  (Strype,  p.  375,  Schmidt,  p.  222.)