10.1:7  ORDONNANCES.  bon  aduiser  de  fere  certaynes  ordonnances  par  les  quelles  on  eust  a  se  y  gouuerner  et  quant  jl  y  aduiendroyt  quelque  different,  mettre  bon  ordre  a  les  appayser.  Or  pour  le  trouble  et  confusion  qui  estoyt  au  commencement  en  ceste  ville  deuant  que  leuangille  v  futz  dung  accord  receu  et  recogneu  jl  na  este  possible  de  reduyre  tout  du  premier  coup  a  bon  ordre,  veu  que  mesme  lignorance  du  peuple  ne  le  pouuoyt  porter.  Mays  maintenant  quil  az  pleuz  au  Seigneur  de  vng  peu  mieux  establir  jcy  son  regne,  jl  nous  az  semble  aduis  estre  bon  et  salutayre  de  conferer  ensemble  touchant  ces  choses  et  apres  auoyr  advise  entre  nous  par  la  parolle  du  Seigneur,  ayant  inuocque  son  nom  et  jmplore  lassistence  de  son  esprit  Quelle  polisse  jl  seroyt  bon  de  y  tenir  cy  apres,  Nous  auons  conclud  de  vous  presenter  par  articles  ce  que  en  auons  delibere  selon  la  cognoyssance  que  le  Seigneur  nous  en  az  donne,  vous  priant  au  nom  de  Dieu  que  vostre  playsir  soyt  ne  vous  espargner  de  vostre  part  a  fayre  icy  ce  qui  est  de  vostre  office.  Cest  que  si  vous  voyes  nostre  aduertissement  estre  de  la  saincte  parolle  de  leuangille,  mettez  bonne  diligence  que  ces  obseruations  soyent  receues  et  maintenues  en  vostre  ville,  puisque  le  Seigneur  par  sa  bonte  vous  az  donne  ceste  cognoysance,  Que  les  ordonnances  par  lesquelles  son  eglise  est  entretenue  sont  que  elle  soyt  vrayement  et  le  plus  prest  que  fere  se  peult  confermee  a  sa  parolle  qui  est  la  certayne  reigle  de  tout  gouuernement  et  administration  mays  principalement  du  gouuernement  ecclesiastique.  Il  seroyt  bien  a  desirer  que  la  communication  de  la  saincte  Cene  de  Iesuchrist  fust  tous  les  dimenches  pour  le  moins  en  vsage  Quant  leglise  est  assemblee  en  multitude  veu  la  grande  consolation  que  les  fideles  en  recoipuent  et  le  fruict  qui  en  procede  en  toute  maniere'  tant  pour  les  promesses  qui  sont  la  presentees  en  nostre  foy,  cest  que  vrayment  nous  sommes  faicts  participans  du  corps  et  du  sang  de  Iesus,  de  sa  mort,  de  sa  vie,  de  son  esprit  et  de  tous  ses  biens.  Que  pour  les  exortations  qui  nous  y  sont  faictes  a  1)  recognoestre  et  a  magniffier  par  confession  de  louanges  les  merueilleuses  choses,  graces  de  Dieu  sur  nous,  finablement  a  vivre  crestiennement,  estans  conioincts  ensemble  en  bonne  payx  et  vnite  fraternelle  comme  membres  dung  mesme  corps.  Et  de  faict  elle  naz  pas  este  jnstituee  de  Iesus  pour  en  fere  commemoration  deux  ou  troys  foys  lan,  mays  pour  vng  frequent  exercice  de  nostre  foy  et  charite  Du  quel  la  congregation  des  crestiens  feutz  a  vser  quant  elle  seroyt  absemblee,  comme  nous  voyons  quil  est  escript  aux  actes  2  que  les  disciples  de  nostre  Seigneur  perseueroyent  en  1)  Gaberel  :  et  recognoistre.