9:699  699  CONFESSIONES.  700  s'ils  ne  viennent  a  amendement,  soient  separez  de  la  communion  des  fideles  iusques  a  ce  qu'on  y  aura  cogneu  repentance.  XX.  Ministres  de  la  Parolle.  Nous  ne  reputons  point  aultres  pasteurs  de  l'Eglise  que  les  fideles  pasteurs  de  la  Parolle  de  Dieu  et  repaissans  les  brebis  de  Iesuchrist  par  icelle  en  instructions,  admonitions,  consolations,  exhortations,  reprehensions,  d'aultre  part  resistans  a  toutes  faulses  doctrines  et  tromperies  du  diable,  sans  mesler  parmy  la  pure  doctrine  des  Escriptures  leurs  songes  ne  folies  imaginations.  Et  ne  leur  attribuons  aultre  puissance  ne  auctorite  synon  de  conduire,  regir  et  gouverner  le  peuple  de  Dieu  a  eulx  commis  par  icelle  Parolle:  en  laquelle  ils  ont  puissance  de  commander,  desfendre,  promettre  et  menasser,  et  sans  laquelle  ils  ne  peuvent  et  ne  doibvent  rien  attenter.  Or  comme  nous  recevons  les  vrays  ministres  de  la  Parolle  de  Dieu  comme  messaigiers  et  ambassadeurs  de  Dieu,  lesquels  ii  fault  escouter  comme  luy  mesmes,  et  reputons  leur  ministere  estre  une  commission  de  Dieu  necessaire  en  l'Eglise  :  aussy  d'aultre  part,  nous  tenons  que  tous  seducteurs  faulx  prophetes,  qui  delaissant  la  purete  de  l'Evangile  declinent  a  leurs  propres  inventions,  ne  doibvent  nullement  estre  soufferts  ne  soutenus,  quelque  tiltre  de  pasteurs  qu'ils  pretendent:  mais  plustost  comme  loups  ravissans  doibvent  estre  chassez  et  deboutez  du  peuple  de  Dieu.