8:699  699  SERVETI  700  fingitis.  Imo  scopus  eius  est,  sublatam  esse  legem,  ut  initio  capitis  praemittit,  legem  decalogi  semper  intelligens,  et  de  ea  exemplum  dans.  Ex  lege  illa,  sicut  ex  caeremoniis,  nobis  nunc  superest  spiritualisl)  ratiocinatio.  Superest  cognitio  impleti  mysterii,  et  cognitio  peccati:  quam  etiam  cognitionem  uberiorem  in  nobis  facit  nunc  spiritus  sanctus  universaliter  docens,  omnia  opera  carnis  esse  peccata.  Non  solum  legis  illius  scriptae  vim  et  iugum  sustulit  Christus:  sed  et  contra  legem  hanc  peccati,  quae  est  membris  nostris  innata,  validum  dedit  mortificationis  spiritus  auxilium.  Vos  inter  has  duas  leges,  legent^  membrorum  innatam,  et  legem  mandatorum  superadditam,  ibi  non  discernitis:  quum  Paulus  ibi  discernat,  alteram  dicens  alteri  contrariam:  alteram  superesse,  alteram  sublatam  [pag.  644]  esse.  Pessime  ergo  vos  concluditis,  Paulum  teneri  lege  mandatorum,  eo  quod  tenebatur  lege  membrorum.  Ab  hac  non  poterat  liberari,  nisi  per  mortem,  ab  illa  liberatus  iam  erat  per  Christum.  Imo  et  a  morte,  quae  sequebatur  legem  membrorum,  se  ait  iam  liberatum  per  Christum,  ut  ibi  subnectit,  ei  gratias  agens,  et  nullam  in  se  esse  nunc  condemnationem  inserens.  Ratione  legis  membrorum  dicere  de  se  ipso  potuit:  Quod  nolo,  hoc  facio,  nolens  concupiscere  concupisco.  Omnis  illa  pugna  in  ipsomet  Paulo  scribente  locum  habebat,  si  rationem  legis  ibi  inducas  contra  legem  membrorum  in  ipso  pugnantem.  Hoc  ibi  obest,  quod  ait,  in  ipso  mortem  fieri,  et  ipsum  occidi.  Nunquam  enim  post  regenerationem  est  a  morte  occisus  Paulus,  quantumvis  fecerit  aliquando  facta  ad  mortem  tendentia.  Praestat  illa  dici  in  aliorum  persona,  quam  in  se  transferre  est  Paulo  peculiare.2)  Item,  quia  ut  de  aliis  loquutus  ad  Christianos  revertitur  initio  capitis  octavi,  dicens:  Nihil  ergo  nunc  damnationis  est  nobis  insitiss)  Christo  Iesu,  vero  libertatis  assertori,  qui  a  lege  decalogi,  quae  erat  lex  peccati  et  mortis,  nos  liberos  reddidit  Etenim  quod  lex  illa  praestare  non  poterat,  ipse  praestitit,  legem  ipsam  nos  destruentem  tollens.  Adde  adhuc  locum  unum,  ut  omnino  cognoscas,  decalogi  legem  nunc  esse  sublatam.  Foedus  initum  cum  patribus,  quando  egrediebantur  de  Aegypto,  sublatum  docet  Ieremias  cap.  31.  Hoc  autem  fuit  foedus  decalogi.  Scribitur  enim  3.  Beg.  8  et  2  Parap.  6  quod  in  arca  erat  foedus  initum  cum  patribus,  quando  egrediebantur  de  Aegypto,  scilicet  decalogus.  Hinc  dicebatur  arca  foederis,  tabulae  foederis,  decem  verba  foederis.  Ita  Moses  exponit  foedus,  id  est,  decem  verba  (Deut.  4).  Nihil  amplius  ad  foedus  adiecit  Deus  (Deut.  o).  De  holocaustis  et  sacrificiis  nihil  est  tunc  praeceptum,  ut  ait  idem  Ieremias  (cap.  7).  De  solo  ergo  decalogo  loquens,  ait,  foedus  illud  1)  spiritualis  om.  2)  transferre;  est  P.  id  peculiare.  3)  Nulla  igitur  nunc  condemnatio  his  qui  insiti  sunt