7:699  699  CONSENSIO  IN  RE  SACRAMENTARIA.  700  XX.  Proinde  haec  nostra  sententia  est:  quum  hic  in  terra  panem  et  vinum  cernimus,  erigendae  sunt  mentes  in  coelum  ut  Christo  fruantur.  Ita  nos  quoque  docemus  Christum  in  coelis  ad  dexteram  patris  manere,  non  descendere  aut  ascendere  visibiliter  aut  invisibiliter,  effabiliter  aut  ineffabiliter:  coniungere  se  autem  nobis  per  spiritum  suum,  totumque  se,  dona  inquam  sua,  et  omnia  ad  salutem  nobis  necessaria,  in  nos  transfundere:  nos  illa  per  fidem  recipere  et  possidere.  Ergo  sentimus  fidem  se  attollere  in  coelestia  ad  Christum,  et  hunc  sese  nobis  insinuare  per  spiritum  suum  ad  vitam  et  salutem,  iuxta  illud:  Qui  credit  in  me  habet  vitam  aeternam  (Ioann.  G,  47),  qui  confitetur  quod  Iesus  est  filius  Dei,  Deus  in  eo  manet  et  ipse  in  Deo  (1  Ioann,  4,  15).  Proinde  non  fingimus  inanem  quandam  speculationem  fidei,  sed  vivacem.  XXI.  Ac  tum  praesens  est  nobis  Christus  dum  supra  mundi  huius  elementa  ipsum  quaerimus.  Praesens  est  nobis  Christus  quum  ipsum  vera  fide  amplectimur.  Nam  fides  reddit  nos  Christi  participes,  maxime  vero  quum  non  sola  fides  contemplatione  caelesti,  sed  cum  immotis  (?)  simul  sigillis  et  actione  mystica  fidelis  mysteria  Christi  peragit.  XXII.  Neque  enim  fas  est  Christum  insimulare  fallaciae.  Quod  fieret  nisi  veritatem  simul  cum  signo  exhiberi  sentiamus.  Satis  de  hoc  dictum  est  propositione  aut  articulo  VIII  et  XII.  XXIII.  Et  vos  quoque  conceditis  signum  non  esse  inane.