23:699  ��99  SERMONS.  700  les  concevons  point.  Voila  pourquoy  i'ay  dit  qu'il  est  besoin  que  Dieu  nous  condamne  par  sa  parole.  Et  voila  pourquoy  S.  Paul  assemble  tant  de  tesmoignages  pour  monstrer  que  nous  sommes  tous  damnez��  Chacun  comme  i'ay  dit,  le  devroit  sentir  en  soy  sans  autre  iuge:  mais  pource  que  nous  sommes  si  pleins  d'infection  que  nous  sommes  doubles,  que  nous  avons  tant  de  boutiques  et  de  cachettes  pour  nous  detourner  de  la  vraye  cognoissance  et  pure  de  nos  pechez,  voila  pourquoy  il  faut  que  la  parole  de  Dieu  nous  serve  de  miroir.  Or  maintenant  si  les  hommes  sont  de  nature  pervers,  et  qu'il  n'y  ait  en  eux  que  rebellion  et  malice  et  que  toutes  leurs  affections  et  pensees  soyent  d'autant  d'inimitiez  contre  Dieu,  comme  S.  Paul  en  parle  au  8.  chap.  des  Rom.  comment  pourrions-nous  rien  presenter  ni  rien  offrir  a  Dieu  qu'il  trouve  bon?  Il  est  vray  que  nous  pourrons  bicn  avoir  quelque  folle  outrecuidance,  mais  ce  ne  sera  tousiours  que  pour  redoubler  le  mal  [pag.  131]:  car  l'orgueil  est  plus  desplaisant  a  Dieu  que  tous  les  autres  vices.  Il  faut  donc  que  nous  cognoissions  qu'estans  en  nostre  naturel,  nous  sommes  tellement  ennemis  de  Dieu,  que  tout  ce  que  nous  imaginons  luy  est  contraire,  et  ne  pouvons  en  toute  nostre  vie  ne  penser,  ne  dire,  ne  faire  rien  qui  soit,  qui  ne  soit  pour  amasser  plus  griefve  condamnation  sur  nos  testes.  Et  voila  pourquoy  aussi  l'Escriture  nous  accompare  a  des  morts,  quand  nous  sommes  delaissez  de  Dieu,  et  iusques  a  tant  que  nostre  Seigneur  se  soit  declaire  nostre  vie,  nous  sommes  morts.  Et  un  mort  que  pourra-il  faire?  Et  au  reste  il  nous  faut  bien  apprehender  ceci,  car  autrement  iamais  nous  ne  donnerions  ouverture  a  la  bonte  de  Dieu  telle  qu'elle  nous  est  monstree  en  nostre  Seigneur  Iesus  Christ.  H  faut  que  nous  soyons  desesperez  en  nous-mesmes  pour  mettre  nostre  fiance  en  luy.  Nous  sommes  enclins  a  ceste  presumption  qui  est  tellement  enracinee  en  nous,  que  nous  voulons  tousiours  nous  elever.  Il  faut  donc  que  Dieu  nous  ait  du  tout  abatus,  a  fin  que  nous  soyons  redressez  par  sa  main,  et  que  nous  soyons  soustenus  de  sa  vertu.  Davantage  nous  sommes  enflez  de  vent  et  d'une  vaine  arrogance  :  or  devant  que  nous  puissions  recevoir  nulle  vraye  substance  de  Dieu  ii  faut  que  nous  soyons  vuides  et  comme  povres  affamez.  Et  voila  pourquoy  notamment  [pag,  132]  il  est  dit  que  Dieu  soule  les  povres  et  affligez.  Il  est  vray  que  sa  bonte  s'espand  sur  ceux  qui  en  sont  dignes:  mais  quand  il  est  question  de  recueillir  son  Eglise,  il  faut  qu'il  la  prepare  par  ce  moyen-la  et  c'est  pour  quoy  notamment  il  est  dit  que  l'Esprit  de  Dieu  devoit  reposer  sur  nostre  Seigneur  Iesus  Christ,  a��  fin  qu'il  annoncast  aux  captifs  leur  delivrance,  a  fin  qu'il  esclairast  les  povres  aveugles,  et  qu'il  apportast  medecine  aux  povres  malades,