9:698  sainct  Paul  ou  il  veult  que  tout  se  face  entre  nous  decentement  et  par  bon  ordre:  mais  toutes  loix  et  constitutions  faictes  pour  lier  les  consciences,  pour  obliger  les  fideles  a  choses  qui  ne  sont  commandees  de  Dieu,  pour  establir  aultre  service  de  Dieu  que  celuy  qu'il  demande  et  tendantes  a  rompre  la  liberte  chrestienne,  nous  les  condemnons  comme  perverses  doctrines  de  Sathan,  veu  que  nostre  Seigneur  declaire  qu'il  est  honore  envain  par  doctrines  qui  sont  du  commandement  des  hommes.  Et  en  telle  estime  avons  nous  les  pelerinages,  movneries,  differences  de  viandes,  deffences  de  mariages,  confesses,  et  aultres  semblables.  XVIII.  Eglise.  Combien  qu'il  n'y  ayt  qu'une  seule  Eglise  de  lesuchrist,  toutesfois  nous  recongnoissons  que  la  necessite  requiert  les  compaignies  des  fideles  estre  distribuees  en  divers  lieux.  Desquelles  assemblees  une  chacune  est  appellee  Eglise.  Mais  d'aultant  que  toutes  compaignies  ne  s'assemblent  au  nom  de  nostre  Seigneur,  mais  plustost  pour  le  blasphemer  et  polluer  par  leurs  sacrileges,  nous  entendons  que  la  droicte  marque  pour  bien  discerner  l'Eglise  de  lesuchrist  est  quant  son  sainct  Evangile  y  est  purement  et  fidelement  presche  annonce  escoute  et  garde,  quant  ses  Sacremens  sont  droictement  administrez,  encores  qu'il  y  ayt  quelques  imperfections  et  faul  tes,  comme  tousiours  il  y  en  aura  entre  les  hommes.  Au  contraire  la  ou  l'Evangile  n'est  declaire,  ouy  et  receu,  la  nous  ne  recognoissons  point  forme  d'Eglise.  Et  pourtant  les  Eglises  gouvernees  par  les  ordonnances  du  pape  sont  plustost  synagogues  du  diable  que  Eglises  chrestiennes.  XIX.  Excommunication.  Toutesfois  pource  qu'il  y  a  tousiours  des  contempteurs  de  Dieu  et  de  sa  sacree  Parolle,  lesquels  ne  tiennent  compte  de  administration  ne  exhortation  ne  reprehension,  ains  ont  mestier  d'ung  plus  grand  chastiement,  nous  tenons  la  discipline  d'excommunication  estre  une  chose  saincte  et  salutaire  entre  les  fideles,  comme  veritablement  elle  a  este  instituee  de  nostre  Seigneur  pour  bonne  raison.  C'est  affin  que  les  meschans  par  leur  conversation  damnable  ne  corrompent  les  bons  et  ne  deshonorent  nostre  Seigneur,  et  aussi  que  ayant  honte  ils  se  retournent  a  penitence.  Et  pourtant  nous  entendons  qu'il  est  expedient  selon  l'ordonnance  de  Dieu  que  tous  manifestes  idolatres,  blasphemateurs,  meurtriers,  larrons,  paillars,  faulx  tesmoings,  seditieux,  noiseuls,  detracteurs,  bateurs,  yvrognes,  dissipateurs  de  biens,  apres  avoir  este  deuement  admonestez,