7:698  (Hebr.  2,  14).  Hactenus  enim  membra  sumus  corporis  eiusdem  ex  carne  eius  ete.  XVII.  Fatemur  Christum  esse  in  coelo  secundum  humanam  naturam.  Ergo  iuxta  eandem  naturam  non  est  in  coena.  Unde  necesse  est  tropum  admittamus  in  verbis  coenae:  Hoc  est  corpus  meum:  nempe  quod  panis  sit  signum  testimonium  et  memoria  corporis  Christi,  aut  quod  iuxta  canonem  ecclesiasticum  signa  rerum  nomina  accipiunt  XVIII.  Libenter  amplectimur,  coeli  nomen  loci  distantiam  sonare  et  Christum  locorum  intervallo  a  nobis  distare.  Hoc  sion  omnes  fatentur.  Sunt  enim  qui  palam  tradant  et  mordicus  tuentur  coelum  conditionis  non  loci  esse  nomen.  Illi  iidem  coelum  per  omnia  extendunt,  adeo  ut  etiam  coenam  contendant  esse  coelum.  Colligunt:  Christus  sedet  ad  dexteram  patris  in  coelo,  ergo  est  in  coena.  Nam  coelum  est  etiam  coena,  seu  locus  ubi  coena  celebratur  est  coelum.  Caeterum  Dominus  in  evangelio  recte  nos  erudit,  quum  dicit:  Si  abiero  ad  parandum  vobis  locum,  iterum  veniam  et  assumam  vos  ad  me  ipsum,  ut  ubi  sum  ego,  et  vos  sitis  (Ioann.  14,  3).  Idem  de  distantia  loci  inter  nos  et  corpus  Domini  in  coelo  disserens  ait:  Et  non  amplius  sum  in  mundo,  hi  autem  in  mundo  sunt  et  ego  ad  te  venio  (ibid.  17,  II).  Angeli  quoque  testificantes  dicunt:  Viri  Galilaei,  quid  statis  intuentes  in  coelum?  hic  Iesus,  qui  assumptus  est  a  vobis  in  coelum,  sic  veniet  quemadmodum  vidistis  eum  euntem  in  coelum  (Act.  1,11).  Locus  1  Thess.  4  (v.  16  seq.)  facit  ad  illum  exponendum.  Haec  si  vera  sunt,  ut  falsa  esse  nequeunt,  certum  quoque  est  Christum  sion  esse  in  coena  apud  nos  corporaliter,  qui  in  coelis  sursum  sedet  corporaliter.  XIX.  Palam  testamur,  corpus  Christi  non  esse  infinitum,  sed  sua  circumferentia  contineri.  Haec  Lutherani  modis  omnibus  negabunt,  corpus  Christi  videlicet,  perinde  ut  divinitatem,  non  ubique  locorum  esse,  eo  quod  scriptum  sit:  Ascendit  ut  impleret  omnia  (Eph.  4,  10).  Caeterum  fides  orthodoxa  et  catholica  tradit,  Christum  habere  corpus  corpori  nostro  consubstantiale,  adeoque  et  corpus  Christi  clarificatum  in  loco  contineri,  et  circumscribi  suis  limitibus,  ita  ut  quum  sit  in  uno  loco,  in  altero  non  sit.  Sic  enim  angeli  dixerunt:  Surrexit,  non  est  hic;  ecce  locus  ubi  posuerunt  eum  (Matth.  28,  6).  Sunt  innumera  scripturae  loca  huc  pertinentia.  Quod  si  verum  Christi  corpus  simul  et  semel  non  est  in  diversis  locis,  neque  in  coena  est  corporaliter.  Nam  ea  celebratur  in  locis  innumeris.